काठमाडाैं- राष्ट्रियसभा सदस्यहरुले आ-आफ्नो क्षेत्रगत विषयमा सरकारको ध्यानाकर्षण गराएका छन्।
राष्ट्रियसभाको मंगलबार बसेको बैठकको शून्य समयमा बोल्दै सदस्यहरुले क्षेत्रगत समस्यामा सम्बन्धित निकायको ध्यानाकर्षण गराएका हुन्।
राष्ट्रियसभा सदस्य रामप्रित पासवानले दलित आयोगका अध्यक्ष र पदाधिकारी नियुक्त गर्न ढिलाइ भएको भन्दै त्यसतर्फ सरकारको गम्भीर ध्यानाकर्षण गराए। उनले अबिलम्ब दलित आयोग गठन गरी सबै जातजातिको प्रतिनिधित्व सुनिश्चित गर्न आग्रह गरे।
राष्ट्रियसभा सदस्य विन्दादेवी आले मगरले चितवन र झापामा मात्रै धेरै बजेट विनियोजन भएको भन्दै बजेट विनियोजन गर्दा नेता विशेषको प्राथमिकताको प्रभावबाट मुक्त हुन सरकारको ध्यानाकर्षण गराए।
राष्ट्रियसभा सदस्य बिमला राई पौड्यालले संसद सचिवालयमा पानी पीउनका लागि राखिएका प्लाष्टिकका गिलास हटाई कागजको गिलास प्रयोगमा ल्याउन सचिवालयको ध्यानाकर्षण गराए।
राष्ट्रियसभा सदस्य हरिचरण शिवाकोटीलेले मुलुकभरका क्रसर उद्योगहरुलाई अनुगमन गरी तत्काल मापदण्ड भित्र राख्न माग गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821305.jpg)
-1786602170.png)
