सिङ्टन- अमेरिकी रक्षा मन्त्रालयले मेक्सिकोसँगको सीमा क्षेत्रमा थप ३ हजार ७ सय ५० अमेरिकी सेना परिचालन गरेको छ।
सीमा क्षेत्रमा यसअघि खटिएका कर्मचारीहरुलाई सघाउन भन्दै अमेरिकाले तीन महिनाका लागि उनीहरुलाई पठाएको हाे।
सीमा शुल्क उठान र सिमाना रक्षाका लागि कुटनीतिक अधिकारीहरू पनि बढाइने पेन्टागनद्वारा जारी वक्तव्यमा उल्लेख छ।
'उनीहरुलाई अहिले थप ९० दिनका लागि खटाइएको छ, सुरक्षा निकायहरूको सिफारिसका आधारमा फेरि निरन्तरता दिन पनि सकिने छ, देशको दक्षिणी सिमानाको रक्षाका लागि उनीहरुलाई खटाइएको हो,' वक्तव्यमा लेखिएको छ।
मेक्सिकोमा सीमा सुरक्षाका लागि बजेट छुट्याउने राष्ट्रपति डोनाल्ड ट्रम्पको प्रस्तावप्रति सांसदहरुले विमति जनाएपछि सम्झौताको प्रयास भइरहेका बेला सीमा क्षेत्रमा थप सेना पठाइएको हो।
राष्ट्रपति ट्रम्पले मेक्सिकोसँगको सीमा क्षेत्रमा पर्खाल लगाउनुपर्ने प्रस्ताव पटक-पटक गर्दै आएका छन्।
पर्खाल लगाउनका लागि कोषको व्यवस्था नगरेमा राष्ट्रिय सङ्कट घोषणा गर्ने पनि उनले बताएका थिए। उनले सन् २०१६ मा भएको राष्ट्रपतीय निर्वाचनका बेला मेक्सिकोसँगको सीमा क्षेत्रमा पर्खाल लगाउने चुनावी एजेण्डालाई मुख्य एजेण्डा बनाएका थिए।
ट्रम्पकाे यो एजेण्डालाई कार्यान्वयन गर्नका लागि संसदलाई छलेर गर्नसक्ने अवस्था छैन भने संसदले पनि यसलाई स्वीकार्न सकेको छैन। राष्ट्रपति ट्रम्पका लागि यो विषय निकै चुनौती बन्दै गएको छ। रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
