काठमाडाै - नेपाली कांग्रेसका केन्द्रीय सदस्य गगन थापाले नेपाल विद्यार्थी संघले हिजो पोखरामा सरकारी गाडी जलाउने कार्य निन्दनीय भएको बताएका छन्।
नेविसंघ कार्यकर्ताले शनिबार दिउँसो पोखरा महानगरपालिकाको बा १ झ ५८७९ नम्बरको सरकारी गाडीमा आगजनी गरेका थिए। समाजिक सञ्जाल ट्विटरमार्फत प्रतिक्रिया दिँदै थापाले लेखेका छन्, ‘किन्तु, परन्तु केही नलगाई मेरो उत्तर, त्यो कार्य गलत मात्र नभएर निन्दनीय छ। यस्तो कामलाई निरुत्साहित गर्न म डटेर लाग्नेछु।’
कास्की प्रहरीले पोखरा महानगरपालिकाको उक्त गाडी जलाउने कार्यमा संलग्न ५ व्यक्तिलाई पक्राउ गरेको छ।पक्राउ परेका ५ जना नै नेविसंघका कार्यकर्ता भएको प्रहरीले जनाएको छ।
पक्राउ पर्नेमा डिफान भुजेल, पर्शुराम बस्नेत, विनय पौडेल, लक्ष्मी पौडेल र राजेन्द्र बराल रहेका कास्की प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1771592819.png)
