काठमाडौं– धनगढी प्रिमियर लिग (डिपिएल) को तेस्रो संस्करणको खेल तालिका सार्वजनिक भएको छ। धनगढी प्रिमियर लिगको तेश्रो संस्करण माघ २६ गतेदेखि फागुन ११ गतेसम्म आयोजना हुँदैछ।
प्रतियोगितामा यस सिजन समेत ६ वटा सहरको प्रतिनिधित्व गर्ने टिम छन्।जसमा धनगढी स्टार्स, सीवाईसी अत्तरिया, काठमाडौँ गोल्डेन्स, रुपन्देही च्यालेन्जर्स, बिराटनगर किङ्ग्स र महेन्द्रनगर युनाईटेड रहेका छन्।
सार्वजनिक खेल तालिका अनुसार प्रतियोगिताको उद्घाटन खेलमा माघ २६ मा करण केसी रणनीतिक खेलाडी रहेको विराटनगर किंग्स र सोमपाल कामीको धनगढी स्टार्स भिड्ने छन्।
प्रतियोगिता कुल १५ दिन चल्ने छ। उद्घाटन खेल बाहेक प्रतियोगिताको पहिलो चरणमा हरेक दिन दुई खेल हुनेछन् जसअन्तर्गत पहिलो खेलम विहान ९ बजे र दोस्रो खेल दिउँसो १ बजेबाट खेलिनेछ।
समूह चरणका अन्तिम २ खेलसँगै दुई क्वालिफायर, एलिमिनेटर र फाइनल खेल भने छुट्टा छुट्टै दिन खेलिने छ।
समुह चरणको शीर्ष ४ मा पर्ने टिम अर्को चरणमा प्रवेश गर्ने छन्। तालिकाको पहिलो दुई स्थानमा रहने टोलीले पहिलो क्वालिफायर खेल खेल्नेछन् जसको विजेता सोझै फाइनल प्रवेश गर्नेछ भने पराजित टोलीले तालिकाको तेस्रो र चौथो हुने टोलि बिचको एलिमिनेटर बिजेतासंग फाइनल प्रवेशका लागि दोस्रो क्वालिफायर खेल्ने छ।
यसपटक खेलहरु ड्रिम फाप्ला मैदानमा खेलिनेछन्। यसअघि प्रतियोगिता संचालन हुँदै आएको अञ्चल प्रहरी मैदानलाई भने वैकल्पिक मैदानको रुपमा तयार गरिने आयोजकले बताएको छ।
प्रतियोगिताको तेश्रो संस्करणलाई अन्तर्राष्ट्रिय क्रिकेट परिषद (आइसीसी)ले यसअघि नै मान्यता दिइसकेको छ। यस्तै सहभागी ६ वटै टोलीले यसअघि नै भएको अक्सनबाट खेलाडी लिइसकेका छन्। डीपीएलका प्रत्येक टिमले अक्सनबाट १२ खेलाडी, एक रणनैतिक खेलाडी र दुई विदेशी गरि १५-१५ खेलाडी टोलीसँग आवद्ध गरेका छन्।
खेल तालिका :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
