महोत्तरी- विशेष भत्ताको माग गर्दै एभरेष्ट सुगर एन्ड केमिकल इन्डष्ट्रिज लिमिटेड रामनगरका मजदुरले आमरण अनसन जारी राखेका छन्।
वर्षौंदेखि पाउँदै आएका सेवा सुविधा उद्योग व्यवस्थापन पक्षले कटौती गरेको भन्दै १० जना मजदुरले सामूहिक रुपमा उद्योग प्रशासनको गेट अगाडि अनिश्चितकालीन आमरण अनसन थालेका हुन्।
बिहीबार दिउँसो पत्रकार सम्मेलन गरी अखिल नेपाल औद्योगिक मजदुर युनियनका उपाध्यक्ष नीरबहादुर अधिकारीको नेतृत्वमा फेकन साह, दशरथ महतो, जीवनहरि उपाध्याय, ओपिन्द्र पासवान, रामसेवक महतो, केदार सुस्लिङ, लीलाधर महतो, रामहरि दुलालले अनिश्चितकालीन आमरण अनसनमा छन्।
गत साउनदेखि नेपाल सरकारले वृद्धि गरेको प्रतिमजदुर रु ३ हजार ७५० उद्योग प्रशासनले नदिएको भन्दै सो को माग गर्दै विभिन्न चरणका शान्तिपूर्ण आन्दोलन सम्पन्न गरिसकेका मजदुरले इण्डष्ट्रिजको मूलगेट अगाडि आमरण अनसन थालेका हुन्।
अहिले उखु क्रसिङ मौसम भएकाले उद्योगको कामकाज प्रभावित नहुने गरी शान्तिपूर्णरुपमा उद्योगको मूलगेट अगाडि अनसन थालेको मजदुर नेता पर्शुराम खनालले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
