काठमाडौं- प्रमुख प्रतिपक्ष दल नेपाली कांग्रेस समर्थित पेसागत संघ, संस्थाहरुले आमरण अनसनरत डा गोविन्द केसीको जीवन रक्षा गर्नका लागि तत्काल पहल गर्न सरकारसँग माग गर्दै काठमाडौंमा प्रर्दशन गरेका छन्।
माइतीघर मण्डलादेखि नयाँ बानेश्वरसम्म र्यालीसहितको प्रर्दशन गर्दै डा केसीको जीवन रक्षाका लागि तत्काल पहल गर्न सरकारसँग माग गरिएको हो। उनीहरुले डा केसीसँग गरिएको सहमतिविपरीत राष्ट्रिय चिकित्सा शिक्षा विधेयक पारित गरेको भन्दै सरकारविरुद्ध चर्का नाराबाजी पनि लगाएका थिए।
डा केसीको माग तत्काल सम्बोधन गरी उनको जीवन रक्षाका लागि पहल गर्न ढिलाइ नगर्न पनि कांग्रेस निकट पेशागत संघ, संस्थाहरुले सरकारको गम्भीर ध्यानाकर्षण गराएका छन्।
विरोध प्रर्दशनमा कांग्रेस निकट चिकित्सक, वकिल, पत्रकार, मानव अधिकारवादी, बुद्धिजीवी लगायतको उपस्थिति थियो।
आफूसँग गरिएको सहमति अनुसार राष्ट्रिय चिकित्सा शिक्षा विधेयक प्रतिनिधिसभाबाट पारित नभएपछि डा केसीले १६ औं अनसन थालेका छन्। उनको अनसनको आज २३औं दिन हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
