जनकपुरधाम- श्रम स्वीकृतिको अनलाइन फारम भर्दै आएका ७ जनालाई धनुषा प्रहरीले पक्राउ गरेको छ।
जनकपुरको मुरलीचोकस्थित श्रम तथा रोजगार कार्यालय अगाडि प्रशासनको स्वीकृतिबिना अनलाइन फारम भर्दै आएकाले उनीहरूलाई पक्राउ गरिएको जिल्ला प्रहरी कार्यालय धनुषाले जनाएको छ।
पक्राउ पर्नेहरूमा पशुपति अधिकारी, आर्शी श्रेष्ठ, नरेश ठाकुर, त्रिभुवन यादव, जयप्रकाश साह, रामपुकार महतो र बलराम महतो रहेका छन्। उनीहरूको साथबाट ३ थान ल्यापटप, १ थान कम्प्युटर, २ थान प्रिन्टर र २ थान फोटोकपी मेसिन जफत गरिएको छ।
पक्राउ परेकालाई सामानसहित आवश्यक अनुसन्धान तथा कानुनी कारबाहीका लागि जिल्ला प्रशासन कार्यालय धनुषामा बुझाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772084459.png)
