जनकपुर– प्रदेश २ को प्रदेशसभा बैठक आज झन्डै २ महिनापश्चात् बस्दै छ।
बिहीबार दिउँसाे ३ बजे बस्ने बैठकले प्रदेशसभा गठनको पहिलो वार्षिकोत्सव मनाउन विभिन्न कार्यतालिका सार्वजनिक गर्ने तयारी गरेकाे बताइएको छ।
यसअघि दोस्रो अधिवेशनको ४६औँ प्रदेशसभा बैठकको कार्यसूचीबारे छलफल गर्न १ बजे कार्यव्यवस्था परामर्श समितिको बैठक बोलाइएको संसद सचिवालयका उपसचिव रञ्जित यादवले जानकारी दिए।
दोस्रो अधिवेशनको ४५औँ बैठक मंसिर १७ गते बसेको थियो। १ महिना २९ दिनपछि बस्न लागेको प्रदेशसभा बैठकमा प्रदेश सरकारको तर्फबाट प्रदेश लोकसभा, प्रादेशिक दुग्ध विकास बोर्ड र बालबालिकाको हकअधिकार सम्बन्धी विधेयक ल्याउने तयारी गरेको प्रदेश सरकारले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
