सिओल– दक्षिण कोरियाको जेजु युनिभर्सिटीले त्यहाँ अध्ययन गरिरहेका २ सय ८० नेपाली विद्यार्थीका कागजात फिर्ता गरेको छ। पासपोर्टदेखि कोरियाली सरकारले विदेशीलाई दिने परिचय पत्रसमेत युनिभर्सिटीले जफत गरी विद्यार्थीलाई बन्धक बनाएको विषय गत महिना प्रकाशमा आएको थियो।
कोरियाको प्रान्तीय सरकारसँग अनुरोध गरेर विद्यार्थीहरुलाई कागजात दिलाइएको कोरियास्थित नेपाली दूतावासका उपनियोग प्रमूख किरण शाक्यले जानकारी दिए।
सञ्चारकर्मीको पहल र दूतावासको सहयोगका कारण आफूहरुले कागजात फिर्ता पाएको त्यहाँ अध्ययनरत विद्यार्थीहरुले बताएका छन्। युनिभर्सिटीले कागजात फिर्ता गरिदिएपनि बाहिर आईपर्ने समस्याहरु भने आफैं सुल्झाउन भनेको त्यहाँ अध्ययनरत एक विद्यार्थीले गुनासो गरे।
उता युनिभर्सिटीले भने कागजात जफत गरिएको नभई अन्य प्रशासनिक कामका लागि केही दिनका लागि राखिएको बताएको छ। युनिभर्सिटीले कागजात जफत गरेको स्वीकार नगरे पनि यसको अन्तर्य विद्यार्थीहरु भाग्ने डरले भएको हुनसक्ने शाक्यको बुझाइ छ।
नेपालमा कतिपय कन्सलटेन्सीहरुले कोरियामा अध्ययन भिषामा गए पनि मनग्ये पैसा कमाउन सक्ने प्रलोभन देखाएर यहाँ पठाउने गरेको र यहाँ आएपछि विद्यार्थीहरुले भागेर काम गर्ने क्रम बढेपछि युनिभर्सिटीले कागजात जफत गरेको हुनसक्ने बताइएको छ।
कोरियामा विदेशी विद्यार्थी विश्वविद्यालय छोडेर भागेमा सरकारले विश्वविद्यालयलाई नै कारबाही गर्ने गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791781329.png)
-1791779517.png)
-1791778269.png)
-1791777931.png)
-1786602170.png)
