जनकपुर- महोत्तरीको सम्सी गाउँपालिका-२ स्थित पर्सादेवाडमा टिपरको ठक्करबाट एक बालकको मृत्यु भएको छ। स्थानीय शेख फलादको ८ वर्षीय छोरा शेक सदानको मृत्यु भएको जिल्ला प्रहरी कार्यलय जलेश्वर महोत्तरीका डीएसपी खगेन्द्रबहादुर खड्काले बताए।
गौशालाबाट सम्सीतर्फ जाँदै गरेको ना७ ख ६४२७ नम्बरको टिपरको ठक्करबाट आइतबार बालकको घटनास्थलमा मृत्यु भएको प्रहरीले जनाएको छ। घर अगाडीको सडक किनारमा खेल्दै गरेको बालकलाई तीव्र गतिमा रहेको टिपरले ठक्कर दिएको थियो। घटनापछि मृतकका आफन्तले सडकमा शव राखी सडक अवरुद्ध गराएका थिए।
डिएसपी खड्काका अनुसार अहिले आफन्त र प्रहरीको समझदारीमा बालकको शव पोस्टमार्टमका लागि जिल्ला अस्पताल जलेश्वर पठाइएको छ। ठक्कर दिने टिपर र त्यसका चालकलाई स्थानीयले नियन्त्रणमा लिएर प्रहरीलाई बुझाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
