जनकपुर– प्रदेश २ का समाजिक विकास मन्त्री नवल किशोर साहले प्रदेश सरकारद्वारा प्रत्येक सरकारी स्तरको विद्यालयमा छात्राहरूलाई नियमित अध्ययन अध्यापनमा रुचि बढाउन खाजा भत्ताको व्यवस्था गर्ने तयारी थालेको बताएका छन्।
उनले बालिकाको आमाको नाममा बैंक खाता खोलाएर रकम जम्मा गर्ने व्यवस्था गरिने बताउँदै यसले छोरीको शिक्षामा सुधार आउने बताए।
मन्त्री साहले प्रत्येक जिल्लाको छोरीको संख्या न्यून भएको १० वटा विद्यालयमा अब नर्सको व्यवस्था समेत गर्न लागेको जानकारी दिए।
उनले स–साना नानीहरुलाई सुरुवातको अवस्थामा हुने महिनावारी लगायत अन्य स्वास्थ्य समस्यालाई मध्यनजर गरेर नर्सको व्यवस्था गर्न लागेको जानकारी गराए।
उनले प्रदेश २ सरकारले एउटा बच्चाको भ्रुण अवस्थादेखि पोषण, स्वास्थ्य, नियमित जाँच युवा अवस्था सम्मको अध्ययन अध्यापन जस्ता आवश्यक न्यूनत्तम प्रक्रियाका लागि आफू प्रतिबद्ध भएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
