जनकपुर– प्रदेश नं. २ का प्रमुख रत्नेश्वरलाल कायस्थले आज ‘प्रदेश प्रहरी ऐन, २०७५’ प्रमाणीकरण गरेका छन्।
प्रदेश प्रमुख कायस्थले नेपालको संविधानको धारा २०१ को उपधारा (२) बमोजिम प्रमाणीकरण गरेको प्रदेश प्रमुखका प्रेस सल्लाहकार ब्रम्हानन्द ठाकुरले बताए।
यस ऐनमा जम्मा १४ परिच्छेद, १ सय २ वटा दफा र २ वटा अनुसूची रहेको छ। यस ऐनमा प्रदेश प्रहरीको कार्य सञ्चालन, सुपरिवेक्षण र समन्वय सम्बन्धी व्यवस्था संघीय कानुनले निर्धारण गरे बमोजिम हुने व्यवस्था ऐनको दफा ९९ मा उल्लेख गरिएको छ।
साथै दफा १०० का अनुसार प्रदेश लोक सेवा गठन नभएसम्म प्रदेश लोक सेवा आयोगले गर्ने भनी तोकेका काम, कर्तव्य लोक सेवा आयोगले गर्ने उल्लेख छ।
त्यस्तै, दफा ६ को उपदफा १ मा प्रदेश प्रहरीको संगठन संरचना र प्रहरीको संख्या नेपाल सरकारको सहमतिमा प्रदेश सरकारले तोके बमोजिम हुने व्यवस्था छ।
प्रदेश प्रहरीको प्रमुखको रुपमा राजपत्राकिंत विशिष्ट श्रेणीको प्रहरी महानिरिक्षक रहने व्यवस्था छ।
त्यस्तै, खुला प्रतियोगिताद्वारा पूर्ति हुने पदमध्येबाट ४५ प्रतिशत पद आरक्षित गरिएको छ। जसमा ४५ प्रतिशतलाई सय प्रतिशत आधार मानी मधेशी ५४ दशमलव ३६, दलित १७ दशमलव २९, मुस्लिम ११ दशमलव ५८, आदिवासी जनजाति ६ दशमलव ६१, थारु ५ दशमलव २७ प्रतिशत र आर्थिक रुपले विपन्न खस आर्य ४ दशमलव ८९ प्रतिशत छुट्याइएको छ।
यसको प्रत्येक समूहमा ५० प्रतिशत महिलाका लागि आरक्षित गरिएको प्रदेश प्रमुख कार्यालयका कानुन अधिकृत प्रकाश चापागाईंले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766824868.png)
-1766819606.png)
-1764146706.png)
-1763721444.png)
-1766648928.png)
