इस्ट लन्डन (एजेन्सी)– एकदिवसीय क्रिकेटमा डेव्यु गरेका एडेन मार्करेमको अलराउन्ड प्रदर्शनका कारण दक्षिण अफ्रिकाले तेस्रो एकदिवसीयमा पनि बंगलादेशलाई २ सय रनले पराजित गरेको छ।
जितसँगै अफ्रिकाले ३ एकदिवसीयको शृंखला ३–० ले ‘क्लिन स्विप’ गरेको छ। अफ्रिकाले टस जितेर पहिलो ब्याटिङ गर्ने क्रममा ६ विकेटको क्षतिमा ३ सय ६९ रनको विशाल योगफल तयार पारेको थियो। कप्तान फाफ डु प्लेसिसले रिटायर्ड हर्ट हुनुअघि सर्वाधिक ९१ रन बनाए। क्विन्टन डिकोकले ७३, मार्करेमले ६६, तेम्बा बावुमाले ४८ र फरहान बेहारडिनले अविजित ३३ रन बनाएका थिए।
प्रत्युत्तरमा बंगलादेश ४० दशमलव ४ ओभरमा १सय ६९ रन बनाउँदै समेटियो। बंगलादेशका लागि शाकिब अल हसन (६९), सब्बीर रहमान (३९) ले केही समय क्रिजमा संघर्ष गरेका थिए। अफ्रिकी बलर डेन पेटरसनले ४४ रन खर्चेर ३, मार्करेमले १८ रन खर्चेर २, इमरान ताहिरले २७ रन खर्चेर २ विकेट लिएका थिए।
अफ्रिकाले यसअघि २ टेस्टको शृंखला पनि २–० ले जितेको थियो। अब यी टिमबीच २ टि–२० शृंखला हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
