राजविराज– प्रदेश २ का प्रहरी नायव महानिरीक्षक हरिबहादुर पालले नागरिकको काममा बिचौलियाको चलखेल रोक्न मातहतका कार्यालयहरुलाई निर्देशन दिएका छन्।
कञ्चनरुप नगरपालिका– ११, ठेलियास्थित इलाका प्रहरी कार्यालयको नवनिर्मित भवन उद्घाटन गर्न शुक्रबार सप्तरी आएका पालले भने, ‘बिचौलियाको चक्करमा परेर धेरैको घरबार÷सम्पत्ति स्वाहा भएको छ, यस्तो कार्यको अन्त्य हुनुपर्छ।’ नागरिकका काम सहज र सरल रुपमा सम्पन्न गर्न उनले सुझाव दिए।
प्रहरीले दुःख दिए, ज्यादति गरे वा काम गर्न बहाना बनाए त्यसभन्दा माथिल्ला निकायमा उजुरी गर्न उनले सर्वसाधारणलाई आग्रह पनि गरेका छन्। ‘प्रहरीभित्र पनि सबै राम्रा मान्छे छैनन्,’ उनले भने, ‘केही पात्रका कारण नागरिकले दुःख पाउने अवस्था आउनु हुँदैन।’
खराब नियत भएका कतिपय प्रहरीलाई आफूले कारबाही पनि गरिरहेको बताएका पालले जनताका काममा पैसा लिने र दुःख दिने प्रहरीका बारेमा सूचना पाए तत्कालै कारबाहीको दायरामा ल्याइने प्रतिवद्धता पनि जनाए।
स्थानीयको विरोध
इलाका प्रहरी कार्यालय उद्घाटनसँगै स्थानीयबासीले त्यसको विरोध गरेका छन्। ठेलिया बजारमा रहेको प्रहरी कार्यालय विस्थापित गरी एकान्त स्थानमा सारेको उनीहरुको आरोप छ। इलाका प्रहरी कार्यालयको नवनिर्मित भवन ठेलिया बजारभन्दा करिब १ किलोमिटरको दूरीमा छ।
प्रहरी कार्यालय सारेको विरोधमा शुक्रबार स्थानीय व्यापारी÷व्यवसायीले बजार÷पसल बन्द गरेर प्रदर्शन गरे। ‘माओवादी युद्धकालमा पनि हामीले प्रहरी कार्यालयको सुरक्षा ग¥यौं, विस्थापित हुने अवस्था आएन,’ बजार समितिका सचिव कृष्णबहादुर चौहानले भने, ‘यतिबेला हामीलाई जानकारी नै नदिई कार्यालय सारियो, यो अन्याय हो।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791271370.png)
-1786602170.png)
