काठमाडौं- नेपाल फोटो पत्रकार महासंघ (एफएनपिजे) प्रिन्टिङ, फोटोग्राफी एन्ड मिडिया टेक्नोलोजी एक्स्पो आयोजना गर्ने भएको छ। आगामी चैत्र २८, २९ र ३० गते एक्स्पो आयोजना गर्न लागिएको महासंघले पत्रकार सम्मेलन गरी जानकारी दिएको हो। एक्स्पो काठमाडौंको टुँडिखेलमा आयोजना हुने छ।
संचार माध्यम र सम्बन्धित प्रविधिलाई एउटै छातामुनि अवलोकनको व्यवस्था मिलाउने उद्देश्यले एक्स्पो आयोजना गर्न लागिएको हो। ऐतिहासिक तथा पर्यटकीय दृष्टिले महत्वपूर्ण मानिएका तथा विभिन्न जिल्लाबाट संकलित फोटो प्रदर्शनी गरिने एक्स्पोमा प्रिन्टिङ फोटोग्राफी र विभिन्न प्रविधिको जानकारी गराइने बताइएको छ।
एक्स्पोमा क्यामेरा उत्पादकहरु फोटो पेपर उत्पादक ल्यापटप तथा मोबाइल उत्पादक लगायतको सहभागिता हुनेछ। यसका साथै वित्तीय संस्था, शैक्षिक संस्था तथा विभिन्न प्रकाशन गृह समेत सहभागी हुने एक्स्पोको जानकारी दिन आयोजित पत्रकार सम्मेलनमा जानकारी दिइएको छ।
चीन जापान भारत कोरिया अमेरिका जर्मनी लगायतका देशका उत्पादक सहभागी हुने एक्स्पोमा वर्कसप, सेमिनार फोटोसेसनलगायत विभिन्न मनोरञ्जनात्मक कार्यक्रम हुने बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
