काठमाडौं- सत्तारुढ दल नेपाल कम्युनिष्ट पार्टी (नेकपा)का अध्यक्ष एवम् पूर्वप्रधानमन्त्री पुष्पकमल दाहाल बुधबार पहिलो पटक संसदीय समितिको बैठकमा सहभागी भएका छन्।
अध्यक्ष दाहाल संघीय संसद प्रतिनिधिसभा अन्तर्गतको राज्यव्यवस्था तथा सुशासन समितिको बैठकमा बुधबार पहिलो पटक सहभागी हुनु भएका हुन्। बैठकमा अध्यक्ष दाहालले पार्टीसँग छलफल गरेरै आफू समितिको बैठकमा सहभागी भएको र अब नियमित आउने प्रतिबद्धता पनि व्यक्त गरे।
अध्यक्ष दाहालले बैठकमा प्रस्तुत कर्मचारी समायोजन अध्यादेशमाथिको छलफलमा भाग लिँदै सो अध्यादेशमा स्पष्टताको जरुरी रहेको बताएका थिए। 'प्रदेश तथा स्थानीय तहमा आवश्यक कर्मचारी व्यवस्थापन गर्ने गरी अध्यादेश आएको छ,' अध्यक्ष दाहालले भने, 'त्यसमा केही कमीकमजोरी भए करेक्सन गरेर अघि बढनुपर्ने हुन्छ।'
अध्यक्ष दाहालले संघीयताको मान्यता प्रदेश र स्थानीय तहमा बढी अधिकार दिनुपर्ने भएकाले सोही अनुसार कर्मचारी समायोजनाको कामलाई अघि बढाउनुपर्ने आवश्यक्ता पनि अध्यक्ष दाहालले औंल्याएका थिए। नयाँ प्रयोग भएकाले कर्मचारी समायोजनमा जटिलता देखिएको उनको भनाइ थियो।
बैठकमा बोल्दै प्रमुख प्रतिपक्षी दल काँग्रेस सांसद दिलेन्द्रप्रसाद बडुले कर्मचारीहरुको गुनासो सम्बोधन गरेर मात्रै सो अध्यादेशलाई अघि बढाउन सरकारलाई आग्रह गरे। भर्ना भएको समयको सेवा र सर्त विपरीत कर्मचारीलाई समायोजन नगर्न पनि सरकारलाई सचेत गराए।
समितिको बैठकमा सांसदहरूले कर्मचारीहरुको वृत्ति विकासमा प्रतिकूल प्रभाव पार्ने काम कर्मचारी समायोजनको नाममा गर्न नहुनेतर्फ सरकारको ध्यानाकर्षण गराएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
