बुटवल- विप्लव नेतृत्वको नेपाल कम्युनिस्ट पार्टीका प्रवक्ता खड्गबहादुर विश्वकर्मा प्रकाण्डले प्रधानमन्त्री केपी शर्मा ओलीलाई ६ महिना पनि सरकार टिकाउन समस्या भएको दाबी गरेका छन्। अरु कसैका कारणले नभई आफ्नै पार्टीका नेताका कारण ओलीलाई सरकार टिकाउन कठिन भएको उनलेल बताए।
क्रान्तिकारी पत्रकार संगठन नेपालले आज बुटवलमा आयोजना गरेको पत्रकार सम्मेनलमा उनले इतिहासकै दुई तिहाईको बलियो जनसमर्थन पाएको सरकार भए पनि आफ्नै पार्टीभित्रका नेताका कारण सरकार कमजोर बनेको तर्क गरे।
सरकारविरुद्ध कडा रुपमा प्रस्तुत भएका प्रकाण्डले अहिलेको सरकार र सरकारका मन्त्रीहरु विगतको भन्दा झनै बढी भ्रष्टाचारी भएको बताए। विगतमा कांग्रेसका मन्त्रीहरुले लाख-करोडमा भ्रष्टाचार गर्ने गरेकोमा अहिले कम्युनिस्ट पार्टीका मन्त्रीहरुले अर्बौंमा भ्रष्टाचार गरिरहेको बताउँदै यसले कम्युनिस्ट पार्टीप्रति जनताको वितृष्णा बढेको धारणा व्यक्त गरे।
जनताले आशा गरेका एउटा पनि काम वर्तमान सरकारले गर्न नसकेको आरोप लगाउँदै प्रवक्ता प्रकाण्डले समृद्ध नेपाल र सुखी नेपालीको नाराले मुलुकलाई बर्बादीतर्फ उन्मुख गराएको टिप्पणी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
