पोखरा– रुपा गाउँपालिका ७ का वडा सदस्य मोती श्रेष्ठले आफूलाई नियोजित ढंगले फसाइएको आरोप लगाएका छन्। उनले आफूलाई गाउँपालिकाको कुनै बैठकमा नबोलाइएको दाबी गरे।
‘अस्ति (बुधबार) लमुजुङे केटाहरूको कागजपत्र प्रमुखले नियन्त्रणमा लिएर त्यही लिन आउनू भनेर भन्नुभएको थियो,’ वडा सदस्य श्रेष्ठले भने,‘मलाई कुनै पनि प्रकारको बैठकमा बोलाइएको छैन। यो सबै नियोजित ढंगले वडासदस्य खराब देखाउन फसाइएको हो।’
अब बस्ने बैठकबारे पनि आफूलाई कुनै खबर नभएको उनले बताए। ‘आज पनि कुनै खबर आएन। खबर नआएकै कारण हामी गएका होइन,’ उनले भने, ‘अस्ति अनुगमनमा आउँदा पनि खबर थिएन। उहाँ आफ्नै टिम लिए। आउनु भएको थियो। जाँदा पनि केही नबोलेर जानु भएको हो।’
वडा सदस्य श्रेष्ठले वडाध्यक्ष र वडासदस्यलाई लिएर विभिन्न पत्रपत्रिकाले भ्रामक समाचार प्रकाशित गरिएको आरोप लगाए।
‘अवैध कारोबार भनेर जनप्रतिनिधि भनेर राखिया छ। सञ्चारप्रति मेरो खेद प्रकट छ,’ उनले भने।
उनले आफूसँग वैध व्यापारको प्रमाण हुँदाहुँदै बोल्न नपाउनु राणा शासनजस्तो भएको टिप्पणी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
