श्रीलङ्काका पूर्व प्रधानमन्त्रीद्वारा राष्ट्रपतिलाई हिटलर नबन्न सुझाव

एएफपी | २०७५ मङ्सिर १९ बुधबार | Wednesday, December 05, 2018 ०६:४७:०० मा प्रकाशित

कोलम्बो– श्रीलङ्काका राष्ट्रपति मैत्रीपाला सिरिसेनालाई हिटलरसँग तुलना गर्दै देशको राजनीतिक सङ्कट नबढाउन ६ हप्ता पहिले पदच्युत गरिएका श्रीलङ्काका पूर्व प्रधानमन्त्री रनिल विक्रमासिङ्गेले आफ्नो सुझाब दिएका छन्। 

रनिल विक्रमासिङ्गेले उक्त भनाइ देशका राष्ट्रप्रमुखलाई सङ्केत गरी यहाँको प्रधानमन्त्रीको सरकारी कार्यालयबाटै आएको हो। प्रधानमन्त्रीबाट बर्खास्त गरिएपनि उनले आफू यहाँको संसदले चुनेको प्रधानमन्त्री भएको दाबी गर्दै सरकारी निवास भने छोड्न मानेका छैनन्। 

विक्रमासिङ्गेले भने, 'मैले संसदमा बहुमत पुष्टि गरेकाले राष्ट्रपतिले मलाई प्रधानमन्त्रीका रूपमा नियुक्त गर्नुको विकल्प छैन।' 

'मैले राष्ट्रपतिलाई संविधानलाई मिचेर हिटलरजस्तो नबन्न आग्रह गरेको छु। हामीले उनलाई संविधान मिचेर अघि बढ्न दिने छैनौँ।' 

राष्ट्रपति सिरिसेनाले विक्रमासिङ्घेलाई बर्खास्त गरी पूर्व राष्ट्रपतिसमेत रहेका महिन्दा राजापाक्षलाई प्रधानमन्त्री नियुक्त गरे पनि उनको पक्षमा संसदमा बहुमत नहुँदा प्रधानमन्त्रीका रूपमा काम गर्न सकेका छैनन्।