काठमाडौं – वाणिज्य बैंकको सेयर मूल्य ओरालो लाग्ने क्रम रोकिएको छैन। सबैभन्दा बढी नेपाल एसबिआई बैंकको सेयर मूल्य घट्दो अवस्थामा छ। एसबिआई बैंकको सेयर मूल्य ६५ रुपैयाँले घटेको छ। सेयर मूल्य घट्ने दोस्रोमा एभरेष्ट बैंक भएको छ। एभरेष्टको सेयर मूल्य ५८.६३ रुपैयाँ घटेको छ। यसैगरी स्ट्याण्डर्ड चार्टर्ड बैंकको सेयर मूल्य २५ रुपैयाँ घटेको छ।
_x000D_
_x000D_
एउटा वाणिज्य बैंकको मात्र सेयर मूल्य न्यून मात्र बढेको छ। एनएमबि बैंकको सेयर मूल्य ४ रुपैयाँले बढेको हो। कात्तिक २० गते बैंकको सेयर मूल्य ३ सय ५४ रुपैयाँ थियो भने मंसिर १२ गते ३ सय ५८ रुपैयाँ रहेको छ।
_x000D_
_x000D_
कात्तिक २० गते नेप्सेले अनलाइन कारोबार सुरु गरेको थियो। अनलाइन कारोबार सुरु भएपछि कारोबारमा वृद्धि हुने र बजारले सुधारको गति लिने अपेक्षा थियो।
_x000D_
_x000D_
अनलाइन कारोबार सुरु भएको २२ दिनको अवधिमा नेप्से परिसूचक ५६ दशमलव २६ अंकले घटेको छ। कात्तिक २० गते अनलाइन कारोबार प्रणाली सञ्चालनमा १२ सय १५ दशमलव ६४ को बिन्दुमा रहेको नेप्से परिसूचक मंसिर १२ गतेसम्म आइपुग्दा ११ सय ५९ दशमलव ३८ को बिन्दुमा आइपुगेको छ।
_x000D_
_x000D_
यो अवधिमा बैंक तथा वित्तीय संस्थाले लोभलाग्दो नाफा कमाएको वित्तीय विवरण पेस गर्दा पनि लगानीकर्ता आकर्षित हुन सकेका छैनन्।
_x000D_
_x000D_
बुधबार कुन वाणिज्य बैंकको कति घट्यो सेयर मूल्य?
_x000D_
_x000D_
_x000D_
_x000D_
के हाे त कारण?
_x000D_
_x000D_
वाणिज्य बैंकहरुको सेयर मूल्य लगातार रुपमा ओरालो लाग्नुको कारण बैंकहरुले लगानीकर्तालाई गत आर्थिक वर्षको नाफाबाट नगद लाभांश मात्र घोषणा गर्नु रहेको लगानीकर्ताहरुले बताएका छन्। नेपाल पूँजी बजार लगानीकर्ता संघकी अध्यक्ष राधा पोखरलले भनिन्, ‘बैंकहरुले बोनस सेयर घोषणा गर्नुको साटो नगद लाभांश मात्रै घोषणा गरेका छन्। त्यसको प्रत्यक्ष असर बैंकको सेयर मूल्यमा परेको छ। साथै यो समय सेयर बजार ओरालो लाग्ने समय पनि हो।’
_x000D_
_x000D_
समग्ररुपमा नेप्से परिसूचक ओरालो लाग्दा यसको असर वाणिज्य बैंकको सेयर मूल्यमा पनि परेको सेयर लगानीकर्ता संघका उपाध्यक्ष ताराप्रसाद फुलेलले बताए। उनले वाणिज्य बैंकहरुको वित्तीय विवरण सकारात्मक भएकाले अबको केही समयपछि बैंकको सेयर मूल्य बढ्ने जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
