काठमाडौं– हुन्डी कारोबारविरुद्ध हालसम्म दायर गरिएको सर्वाधिक राशिको विगो मागदावीको मुद्दामा अदालतले आरोपित अधिकांशलाई सफाइ दिएको छ।
_x000D_
_x000D_
गत वर्ष १२ भदौमा राजस्व अनुसन्धान विभागले गैरकानुनी हुन्डी कारोबारमा संलग्न रहेका सात जनाविरुद्ध चार अर्ब १४ करोड रुपैयाँ बिगो मागदावीसहित काठमाडौं जिल्ला अदालतमा मुद्दा दायर गरेको थियो।
_x000D_
_x000D_
एक वर्षपछि उक्त मुद्दाको फैसला गर्दै अदालतले २ जनालाई अत्यन्त न्यून बिगो कायम गरेर ५ जनालाई सफाइ दिएको हो।
_x000D_
_x000D_
विभागले उक्त हुन्डी कारोबारमा संलग्न भएको आरोपमा दलबहादुर पुन, लवकुमार नेपाल, मिलिमा थामी राई, राजेन्द्र गुरुङ, विद्यादेवी गुरुङ, मिलन गुरुङ र धरम गुरुङविरुद्ध मुद्दा दायर गरेको थियो।
_x000D_
_x000D_
विभागले करिब १ वर्षको अध्ययनपछि आरोपितविरुद्ध मुद्दा दायर गरेको थियो।
_x000D_
_x000D_
एक वर्षपछि गत १६ कात्तिकमा उक्त मुद्दाको फैसला गर्दै अदालतले मिलन गुरुङ र धरम गुरुङलाई जनही १२ लाख रुपैयाँ बिगो कायम गरेर बाँकीलाई सफाइ दिएको छ।
_x000D_
_x000D_
जिल्ला अदालतका न्यायाधीश मोदिनीप्रसाद पौडेलको इजलासले उक्त फैसला गरेको हो।
_x000D_
_x000D_
झण्डै अढाइ वर्षअघि काठमाडौं प्रहरीले सुन्धाराको जेबो ट्राभल्समा छापा मारी १२ लाख रुपैयाँ विदेश पठाउन लागिएको हुन्डी रकम जफत गरेको थियो। हुन्डीसहित उक्त कम्पनीबाट कामदार दलबहादुर पुन र लवकुमार नेपाललाई पक्राउ गरिएको थियो।
_x000D_
_x000D_
उक्त ट्राभल्सका मालिक मिलन गुरुङ र धरम गुरुङ हुन्। उनीहरू बेलायत बसेर हुन्डी कारोबार गर्दै आएको विभागले दायर गरेको आरोपपत्रमा उल्लेख थियो।
_x000D_
_x000D_
ट्राभल्सबाट राजेन्द्र गुरुङ र विद्यादेवी गुरुङको नाममा काटिएको ५० लाखको चेकसमेत प्रहरीले जफत गरेको थियो।
_x000D_
_x000D_
विभागले ट्राभल्सको डाटा इन्ट्री गर्ने कम्प्युटर जफत गरेर अध्ययन गरेको थियो। उक्त कम्प्युटरको साढे ४ महिनाको डाटा इन्ट्रीमा ४ करोड रुपैयाँको हुण्डी रकम देखिएको थियो।
_x000D_
_x000D_
विभागका अनुसार यो अहिलेसम्मकै ठूलो बिगो रकम दावी गरिएको मुद्दा हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
