काठमाडौं- युनिभर्सल पिस फेडेरेसन, नेसनल कन्फरेन्स अफ एसियन पोलिटिकल पार्टीको आयोजनामा हुने ‘एसियन प्यासिफिक समिट २०१८’ को सह–आयोजकबाट नेपाल सरकार पछि हटेको छ।
_x000D_
_x000D_
मंसिर १४ गते देखि १७ गतेसम्म काठमाडौँमा आयोजना हुने कार्यक्रममा यसअघि सरकार सह-आयोजकको भूमिकामा थियो भने अब सरकार सहयोगीको भूमिकामा मात्रै रहने भएको हो।
_x000D_
_x000D_
युनाइटेड पिस फेडेरेसनलाई नेपालभित्र इसाई धर्म प्रचारप्रसार गरेको आरोप लाग्दै आएको छ। यस्तो संस्थाको आयोजनामा हुने कार्यक्रममा सरकार सह-आयोजक भएको भन्दै त्यसको चौतर्फी विरोध भएपछि सरकार पछि हटेको हो।
_x000D_
_x000D_
प्रतिपक्षी दल नेपाली कांग्रेसका प्रवक्ता विश्वप्रकाश शर्माले शनिबार एक कार्यक्रम आयोजना गर्दै विवादित संस्थाको आयोजनामा हुने कार्यक्रममा सरकार सह-आयोजक हुनु दु:खद भएको बताउँदै त्यसको विरोध गरेका थिए। कार्यक्रमको एक आयोजकमध्ये एसियन पोलिटिकल पार्टीमा कांग्रेस लगायत नेपालका सबै प्रमुख राजनीतिक पार्टी सदस्य रहेका छन्।
_x000D_
_x000D_
शान्ति र विकासका लागि अन्तरधार्मिक अभियान नेपालले युनिभर्सल पिस फेडरेसनले नेपाल सरकार, संघीय संसद आइक्याप, आइएपिपी लगायत संघ संस्था लगायतको सहकार्यमा काठमाडौंमा आयोजनामा गर्ने कार्यक्रममा आफनो संस्थाको समर्थन रहेको बताएको छ।
_x000D_
_x000D_
_x000D_
_x000D_
पहिले नेपाल सरकारलाई सह-आयोजकका रुपमा राखिएको थियो।
_x000D_
_x000D_
_x000D_
_x000D_
_x000D_
अहिले सह-आयोजकबाट हटाई सहयोगीका रुपमा मात्रै राखिएको छ।
_x000D_
_x000D_
_x000D_
संस्थाका एक सदस्य विश्व हिन्दु महासंस्थाका अध्यक्ष पण्डित दामोदर गौतमले युनिभर्सल पिस फेडेरेसनको आयोजनामा हुने कार्यक्रमा शंका गर्नुपर्ने कुनै कारण नरहेको बताए।
_x000D_
_x000D_
‘यस्तो किसिमको कार्यक्रम विश्वका अन्य स्थानमा पनि हुन्छ। हिन्दु धर्मावलम्बीहरूले पनि अन्य देशमा गएर यस्तो कार्यक्रम आयोजना गर्न पाउँछन्,’ उनले भने, ‘धर्म रूपान्तरण गर्ने विषयमा हाम्रो गम्भीर आपत्ति भए पनि आयोजना हुने उक्त कार्यक्रममा हाम्रो साथ रहेको छ।’
_x000D_
_x000D_
युनिभर्सल पिस फेडेरेसनको कार्यक्रम धर्म प्रचार सम्बन्धी नभएकाले विश्व हिन्दु महासंघ लगायत शान्ति र विकासका लागि अन्तधार्मिक अभियानको समर्थन रहेको उनले बताएका छन्। उक्त कार्यक्रममा आफू १२ वर्षदेखि सहभागी हुँदै आएको पनि उनले दाबी गरे।
_x000D_
_x000D_
प्रधानमन्त्रीका प्रेस सल्लाहकार कुन्दन अर्यालले भने कार्यक्रमका विषयमा विवाद गर्नुपर्ने कुनै आवश्यकता नभएको बताए। सह-आयोजकबाट सरकार सहयोगीको भूमिकामा झरेको विषयमा आफूलाई जानकारी नभएको उनको जिकिर छ।
_x000D_
_x000D_
नेपालमा आयोजना हुने कार्यक्रमा विश्वका विभिन्न देशका पाहुना आउनेतर्फ इंगित गर्दै उनले भने, ‘यो नेपालका लागि खुसीको कुरा हो, विश्वका विभिन्न देशबाट नेपालमा आयोजना हुने कार्यक्रममा सहभागी हुन उच्चस्तरका पाहुना आउँदैछन्।’ विदेशी पाहुना नेपालमा आउनु भनेको नेपालको परराष्ट्र नीतिको विस्तार हुनु भएको उनको भनाइ छ।
_x000D_
_x000D_
यसैबीच काठमाडौंको एक होटेलमा आयोजना हुने कार्यक्रममा जलवायु परिवर्तन, शान्ति तथा विकास, सुशासन, विवाह तथा परिवार जस्ता संस्थाहरूको सुदृढीकरणका विषयमा छलफल हुने जनाइएको छ।
_x000D_
_x000D_
कार्यक्रममा कम्बोडियाका प्रधानमन्त्री नेपाल आउने कार्यक्रमा रहेको छ भने अन्य देशबाट पनि उच्चस्तरको प्रतिनिधित्व हुने कार्यक्रम आयोजकले बताएको छ। ‘विदेशबाट उच्चस्तरका प्रतिनिधि आउने भएकाले सरकारले त्यसको व्यवस्थापन मात्रै गरेको हो’, डा अर्यालले भने।
_x000D_
_x000D_
कार्यक्रम आयोजक युनाइटेड पिस फेडेरेसनलाई नेपालभित्र धर्म प्रचारप्रसार गरेको आरोप लाग्दै आएको छ। फेडेरेसनका नेपाल अध्यक्ष एकनाथ ढकाल पूर्वसांसद र मन्त्रीसमेत हुन्। विवादित छविका ढकाललाई प्रधानमन्त्री केपी शर्मा ओलीको अघिल्लो मन्त्रिपरिषद्मा सहभागी गराउँदा एमाले पार्टी भित्रैबाट सरकारको आलोचना भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
