जनकपुर- तराई मधेससहित भारतका विभिन्न भागमा आज भूतमेला लागेको छ। सिरहा र धनुषा जिल्ला छुट्याउने कमला नदीको किनारमा प्रत्येक वर्ष कात्तिक पूर्णिमामा अनौठो तथा भव्य भूतमेला लाग्ने गर्छ।
_x000D_
_x000D_
२१औं शताब्दीमा पनि भूत प्रेत, धामी झाँक्रीप्रति रहेको विश्वास यस मेलाले सिद्ध गरेको कतिपय बताउँछन्।
_x000D_
_x000D_
सिरहासहित सप्तरी, धनुषा, महोत्तरी, उदयपुर र सीमावर्ती भारतको मधुवनी, दरभङ्गा, समस्तीपुर, जयनगर लगायतका स्थानबाट ठूलो संख्यामा सर्वसाधारण कमला नदीमा स्नान गर्ने गरेका छन्।
_x000D_
_x000D_
कात्तिक पूर्णिमाको दिन कमला नदीमा डुबुल्की लगाए सिद्धि प्राप्त हुन्छ भन्ने विश्वासका साथ धनुषासहित मधेसका जिल्लाहरूबाट भूतमेला भर्न कमला नदी जानेको भिड बढेको छ। सिरहा र भारतको सीमामा इनर्वा नजिक लाग्ने मेला भर्न लागि हजारौं संख्यामा उनीहरू शुक्रबार त्यसतर्फ गएका हुन्।
_x000D_
_x000D_
_x000D_
_x000D_
देवीदेवता र कुल देवतालाई कमलामा डुबुल्की लगाएर सिद्धि प्राप्त हुने जनविश्वास बोकेको भूत मेलामा धामीझाँक्रीहरूको सहभागिता हुने गर्दछ।
_x000D_
_x000D_
कमला नदीमा स्नान गरिए कमलेश्वरी देवीले तान्त्रिक विद्याको बर दिने तथा योग पाको हुने जनविश्वासका कारण वर्षेनी कमलामा स्नान गर्नेको संख्या बढ्दै गएको स्थानीय भोला साहले बताए। भूतमेलामा स्नान गरेपछि घर आउने बेलामा भक्तजनले कमला नदी र गंगा सागरको शुद्ध पानी आ–आफ्नो घर लैजाने गर्छन्।
_x000D_
_x000D_
मिथिलाञ्चलमा सदियौँदेखि तन्त्र विधामा सर्वसाधारणको विश्वास रहेको छ। स्नानको समयमा मूलधामीले लोक भाकामा गीत समेत गाउने गर्छन्। जसलाई स्थानीय भाषामा ‘महराइ’ भन्ने गरिन्छ।
_x000D_
आफ्नो गाउँमा धामीलाई डोर्याएर कमला र गंगासागर स्नान गर्न ल्याएका सिरहाका धामी रामप्रसाद यादव शरीरमा देउता चढ्नेलाई यहाँ ल्याउने गरिएको बताउँछन्।
_x000D_
_x000D_
तराईमा मन्त्र सिकाउने धामीलाई ‘भगता’ भन्ने गरिन्छ। पवित्र नदीमा प्रथम स्नान गर्ने धामीझाँक्रीसँग आशिष थाप्ने श्रद्धालुको संख्या पनि उल्लेखनीय रह्ने गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
