काठमाडौं– संघीय संसदको प्रतिनिधिसभाअन्तर्गत सार्वजनिक लेखा समितिले हालै राष्ट्रपतिका लागि खरिद गर्न लागिएको सुविधासम्पन्न गाडीदेखि वाइडबडी विमान खरिदसम्मको छानबिन गर्ने भएको छ।
_x000D_
_x000D_
मंगलबार सिंहदरबारमा बसेको बैठकमा बोल्दै समितिका सभापति भरत शाहले सार्वजनिक चासो र अनियमितताका विषयमा समितिले छानबिन गर्ने बताएका हुन्।
_x000D_
_x000D_
पछिल्लो समय राष्ट्रपति विद्यादेवी भण्डारीका लागि सुविधासम्पन्न गाडी खरिद गर्न १८ करोड रुपैयाँ विनियोजन गरिएकोप्रति आम जनताको तहमा समेत आलोचना भइरहेको छ। समितिका सभापति शाहले यसअघि लेखा समितिकै निर्देशनका कारण तत्कालीन राजा वीरेन्द्रलाई महंगो विमान किन्ने निर्णय रोकिएको स्मरण गर्दै यस विषयमा पनि समितिले छलफल अघि बढाउने बताए।
_x000D_
_x000D_
त्यस्तै, राष्ट्रपतिकै लागि प्रहरी प्रतिष्ठान हटाउने र उपराष्ट्रपति कार्यालयका लागि समाजकल्याण परिषद् सार्ने निर्णयको विषयमा पनि समितिले छानबिन गर्ने समितिका सभापति शाहले बताए।
_x000D_
_x000D_
त्यस्तै, पछिल्लो समय विवादित बनेको वाइडबडी जहाज खरिदका सम्बन्धमा पनि समितिले छानबिन गर्ने उनले प्रष्ट पारे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
