काठमाडौं- पाँचथरको फिदिम नगरपालिका–४ शान्तिपुरकी १०१ वर्षीया भगवतीदेवी भण्डारीलाई परिचयपत्र प्रदान गर्दै सरकारले राष्ट्रिय परिचयपत्र वितरणको शुभारम्भ गरेको छ। पाँचथरको सहिद मञ्चमा गृहमन्त्री रामबहादुर थापाले उनलाई परिचयपत्र प्रदान गरे। सो क्रममा मन्त्री थापाले समेत पाएको परिचयपत्र दुईबीच आदान प्रदान भएको थियो।
_x000D_
_x000D_
यसअघि पनि १०१ वर्षीया भण्डारीबाटै राष्ट्रिय परिचयपत्रको विवरण संकलन थालिएको थियो।
_x000D_
_x000D_
_x000D_
_x000D_
पाँचथरका प्रमुख जिल्ला अधिकारी प्रकाशचन्द्र अधिकारीले परिचयपत्र वितरणका लागि जिल्लामा ५२ हजारभन्दा बढीको विवरण लिइसकिएको बताए। असार ५ गतेदेखि राष्ट्रिय परिचयपत्रका लागि पाँचथरमा विवरण संकलन थालिएको थियो।
_x000D_
_x000D_
एसियाली विकास बैंकको सहयोगमा सरकारले पहिलो चरणमा पाँचथरमा वितरण गर्न लागेको हो । अन्य जिल्लामा पनि क्रमैसँग परिचयपत्र वितरण गर्दै जाने राष्ट्रिय परिचयपत्र व्यवस्थापन तथा पञ्जीकरण विभागका महानिर्देशक दीपक काफ्ले बताउँछन्।
_x000D_
_x000D_
एक लाख १७ हजार परिचयपत्र छपाइका एडिबीले अनुदान दिनेछ । जसका लागि करिब ५५ करोड रुपैयाँ खर्च हुने अनुमान छ।
_x000D_
_x000D_
नि:शुल्क वितरण
_x000D_
एउटा परिचयपत्र छाप्दा करिब तीन सय ५० रुपैयाँ लाग्छ। तर यससम्बन्धी कानुन नबनेकाले नि:शुल्क वितरण गरिनेछ।
_x000D_
_x000D_
परिचयपत्र चिप प्रविधिमा आधारित छ। तर यो परिचयपत्रले नागरिकतालई विस्थापित गर्दैन। महानिर्देशक काफ्लेका अनुसार संविधानमा नागरिकता र राष्ट्रिय परिचयपत्र सम्बन्धी दुवै व्यवस्था भएकाले नागरिकता र यो परिचयपत्र फरक हो।
_x000D_
_x000D_
परिचयपत्रमा नागरिकता, लाइसेन्स, राहदानी, सामाजिक सुरक्षा सम्बन्धी परिचय लगायत सबै विवरण समेटिनेछन्। सुरुमा नागरिकता लिएका व्यक्तिलाई मात्र सरकारले राष्ट्रिय परिचयपत्र दिनेछ।
_x000D_
_x000D_
राष्ट्रिय परिचयपत्रमा दुवै हातका १० वटै औंठाछाप रहनेछन्। स्थायी ठेगानासहित जन्ममिति, आमाबाबु, हजुरबा, श्रीमान्–श्रीमतीको नाम यसमा राखिनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
