ललितपुर– तत्कालीन माओवादी केन्द्रका अध्यक्ष पुष्पकमल दाहाल प्रचण्डको सचिवालय सदस्य प्रकाश दाहालको प्रथम स्मृति दिवसमा बोल्ने अधिकांश नेताले उनको योगदानको सम्झना गरेका छन्।
_x000D_
_x000D_
नेकपा अध्यक्ष प्रचण्ड र सीता-पुत्र प्रकाशको पहिलो स्मृतिसभामा सयौंको संख्यामा उपस्थित नेता तथा सर्वसाधारणले फूलमाला अर्पण गरेका छन्।
_x000D_
_x000D_
कार्यक्रमलाई प्रधानमन्त्री केपी शर्मा ओली र प्रचण्डले सम्बोधन गरेका थिए।
_x000D_
_x000D_
सम्बोधनका क्रममा प्रचण्डको गला अवरुद्ध भएको थियो। उनी केहीबेर बोल्नै सकेका थिएनन्।
_x000D_
_x000D_
प्रचण्डले प्रकाशको अवसानलाई सामना गर्नु आफ्ना निम्ति सजिलो नभएको स्मरण गरेका थिए। तर सबै नेपालीहरुको माया, सद्भाव, प्रेम र हौसलाको कारण असम्भव जस्तो लाग्ने पीडालाई पनि आफूहरुले सामना गर्न सकेको उनले बताए।
_x000D_
_x000D_
'सानो निम्तोलाई पनि स्वीकार गरेर कार्यक्रम स्थलसम्म आउनेहरुको प्रेरणा नै हामीलाई बाँच्ने र कर्तव्यपथमा अगाडि बढ्ने प्रेरणा बन्न गएको छ', प्रचण्डले भने, 'यदि तपाईंहरुको सहयोग, सद्भाव, प्रेम र विश्वास हुँदैनथ्यो भने सायद हाम्रो परिवार विघटन भइसकेको हुन्थ्यो।'
_x000D_
_x000D_
प्रचण्डले प्रकाशमा केही बालसुलभ कमीकमजोरी भए पनि उदयीमान प्रतिभाको रुपमा परिपक्व हुँदै गएको स्मरण पनि गरे। 'परिवार, पार्टी र देशले व्यहोरेको मोडहरुलाई नजिकबाट नियालेको नाताले ऊ धेरै नै परिपक्व हुँदै गएको अवस्था थियो। भरोसा गर्न सकिने स्थिति थियो', उनले भने।
_x000D_
_x000D_
प्रधानमन्त्री तथा नेकपाका अध्यक्ष ओलीले भने प्रकाशले कुशलतापूर्वक प्रचण्ड सचिवालय सम्हालेकोमा प्रशंसा गरे। प्रचण्डको सचिवालय सम्हाल्ने कुरा कठिन भए पनि प्रकाशमा तालमेल मिलाउन सक्ने क्षमता भएको ओलीले स्मरण गरे।
_x000D_
_x000D_
प्रचण्डले पुत्र निधनको पीडालाई संयमताका साथ सहेको ओलीले बताए। 'पीडा त भइरहन्छ, सम्झना आइरहन्छ। तर जीवनलाई गतिशील बनाएर अगाडि बढ्नुपर्छ', ओलीले भने।
_x000D_
_x000D_
मुख्य नेताहरुभन्दा केही समयपछि मात्रै कार्यक्रम स्थलमा ल्याइएकी सीता भने निकै नै आघातमा देखिएकी थिइन्। प्रकाशको तस्बिरतिर हेरेर टोलाउने, आँसु झारिरहने गरिरहेकी थिइन्। बेलाबेलामा उनलाई प्रचण्डले सम्झाइरहेका देखिन्थे।
_x000D_
_x000D_
सोमबार प्रचण्ड निवास खुमलटारमा आयोजित कार्यक्रममा पूर्व प्रधानमन्त्रीहरु शेरबहादुर देउवा, झलनाथ खनाल, लोकेन्द्रबहादुर चन्द तथा मन्त्रिपरिषद्का पूर्वअध्यक्ष खिलराज रेग्मी पनि उपस्थित थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762343742.png)
