बेत्रावती– परम्परागत रुपमा 'फेरी' लगाएर घरको ‘सह’ जगाउने योगीको पेसा नुवाकोटमा पछिल्लो समय लोप हुँदै गएको छ।
_x000D_
_x000D_
नेपाली लोकबाजा ‘फेरी’ बजाएर कात्तिक र चैत महिनामा दान थाप्दै हिँड्ने सांस्कृतिक तथा परम्परागत पेसा 'फेरी' लगाउने कार्य नयाँ पुस्ताले निरन्तरता दिन नसक्दा लोप हुने अवस्थामा पुगेको हो।
_x000D_
_x000D_
जरायोको सिङबाट बनेको लोकबाजा 'फेरी' बजाएर पेसालाई निरन्तरदा दिँदै आएका योगीनाथ आफ्नो भक्तका घरमा आउन नै छाडेको किस्पाङ गाउँपालिका–२ फिकुरीका वडाध्यक्ष देवनाथ भट्टले बताए।
_x000D_
_x000D_
उनका अनुसार पुर्ख्याैली सम्पत्तिजस्तै गरी भक्तका घरलाई योगीका सन्ततिले भाग लगाएर कात्तिक र चैत महिनामा घरघरमा पुगी 'सह' जगाउने परम्परा भए पनि अहिले धेरै स्थानमा योगीले 'फेरी' लगाउन जान छाडिसकेका छन्।
_x000D_
_x000D_
गोरखनाथका भक्तका रुपमा चिनिने योगीले मन्त्र पाठ गर्नाले घरमा सुख, शान्ति तथा समृद्धि छाउने विश्वास छ। अहिलेका पुस्ता योगी बन्न कान छेडेर कानफटा लगाउन रुचि नदिनु र मन्त्रपाठ ध्यान गर्न नचाहनुले मौलिक संस्कृति हराउँदै गएको लिखु गाउँपालिका–१ का ६९ वर्षीय दुर्गानाथ योगीले बताए।
_x000D_
_x000D_
'परम्परालाई निरन्तरता दिन गाह्रो भइसक्यो,' उनले भने, 'घर धेरै छन्, पूरा मन्त्र पढ्न र दान थाप्न नै भ्याइन्न, सन्तानले पनि सहयोग गर्दैनन्।'
_x000D_
_x000D_
अघिल्लो रात फिरी लगाउने र भोलिपल्ट दान थाप्दै हिँड्ने योगीलाई भक्तले घरमा सह जाग्ने, भूतप्रेत तथा पिचासले दुःख नदिने विश्वासमा दान दिने गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
