काडमाडौं- प्रधानमन्त्री केपी शर्मा ओली बिरामी परेको तीन सातापछि बुधबार पहिलो पटक सार्वजनिक कार्यक्रममा सहभागी भएका छन्।
_x000D_
_x000D_
चिकित्सकहरुको परामर्शमै प्रधानमन्त्री ओली महाकवि लक्ष्मीप्रसाद देवकोटाको १ सय १० औं जन्मजयन्तिको अवसर पारेर बुधबार काठमाडौंको कमलादीस्थित प्रज्ञा भवनमा आयोजित कार्यक्रममा सहभागी भएका हुन्।
_x000D_
_x000D_
मदन भण्डारी कला साहित्य प्रतिष्ठानले आयोजना गरेको कार्यक्रममा पहिलो पटक सार्वजनिक भएका प्रधानमन्त्री ओलीले सदाझैं व्यंग्य मिश्रित भावसहित भाषण गर्न भ्याए। भाषणको सुरुवातमै सबैलाई प्रमुख अतिथि भनेपछि हल हाँसोले गुञ्जायमान भएको थियो। त्यस अवसरमा प्रधानमन्त्री ओलीले महाकवि देवकोटा जस्तो विद्धान कवि विश्वमा कँहीपनि नभएको बताए।
_x000D_
_x000D_
प्रधानमन्त्री ओलीले महाकवि देवकोटालाई बेगवान कविको रुपमा पनि चित्रण गर्नु भयो । उहाँले अत्याधिक धु्रमपान गरेर देवकोटाले गम्भिर भूल गरेको तथ्य पनि त्यस अवसरमा स्मरण गराउनु भयो ।
_x000D_
_x000D_
कार्यक्रममा साहित्यकारहरुले महाकवि देवकोटाको व्यक्तित्व र कृतित्वको स्मरण गर्दै कविता बाचन गरेका थिए।
_x000D_
_x000D_
सार्वजनिक कार्यक्रममा सहभागी हुँदा कुनै असर पर्दैन: वरिष्ठ चिकित्सक अरुण सायमी
_x000D_
_x000D_
प्रधानमन्त्री केपी ओली आफूहरुले दिएको सुझाव अनुसार नै बुधबारबाट सार्वजनिक कार्यक्रममा सहभागी उल्लेख गर्दै त्यसले कुनै असर नपार्ने वरिष्ठ चिकित्सक अरुण सायमीले बताएका छन्।
_x000D_
_x000D_
प्रधानमन्त्री ओलीसँगै महाकवि देवकोटाको जन्मजयन्ति कार्यक्रममा पुगेका सायमीले कला र साहित्यमा मरिमेट्ने प्रधानमन्त्री ओलीलाई लामो समयसम्म निरन्तर भने नबोल्न सुझाव दिए।
_x000D_
_x000D_
प्रधानमन्त्री ओली छातिमा समस्या देखिएपछि तीन साता अघि महाराजगंजस्थित मनमोहन भास्कुलर तथा ट्रान्सप्लान्ट सेन्टरमा उपचारका लागि भर्ना भएका थिए। त्यसयता प्रधानमन्त्री अोलीको यो पहिलो सार्वजनिक कार्यक्रम हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762308822.png)
