कञ्चनपुर– कञ्चनपुरको शुक्लाफाँटा नगरपालिका– ८ मा राखिएका छाडा गाईमाथि बाघले आक्रमण गरी मार्न थालेको छ।
_x000D_
_x000D_
गएराति मात्रै छावासहितको पोथी बाघले आक्रमण गरी ९ वटा गाईलाई मारेको छ। वैजनाथ सामुदायिक वन क्षेत्रमा व्यवस्थित गर्न राखिएका गाई माथि बाघले आक्रमण गरी मारेको वडा अध्यक्ष बहादुरसिंह महराले बताए।
_x000D_
_x000D_
बाघले दिउँसोसमेत वन क्षेत्रमा चर्न पठाइएका गाईमाथि आक्रमण गरी मार्न थालेको छ,' उनले भने, 'राति गाई राखेकै ठाउँमा छिरेर ठूलो नोक्सानी पुर्याउन थालेको छ।'
_x000D_
_x000D_
बाघ भगाउनका लागि गोठाला राखिएका भए पनि गाई जोगाउन निकै मुस्किल हुन थालेको उनले बताए।
_x000D_
_x000D_
डमरुसहितको बाघ भएकाले भगाउन खोजे पनि भाग्नुका साटो उल्टै गोठालामाथि आक्रमण गर्न आउने गरेको छ।
_x000D_
_x000D_
दुई साताअघि पनि ११ वटा गाई एकैरात बाघले मारेको थियो।
_x000D_
_x000D_
नगरपालिका क्षेत्रमा छाडा छाडिएका गाई व्यवस्थापनका लागि सामुदायिक वनमा राखिएको छ।
_x000D_
_x000D_
सामुदायिक वनका तीन ठाउमा झण्डै एक हजार गाईलाई राखिएको जनाएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
