काठमाडौं– सिरियल किलरको रुपमा अन्तर्राष्ट्रिय कुख्याती कमाएका अपराधी चार्ल्स शोभराज सजाय छुट गरी रिहाइको माग गर्दै सर्वोच्च अदालत पुगेका छन्। कारागार कार्यालय जगन्नाथ देवलबाटै शोभराजले सोमबार सर्वोच्चमा रिट निवेदन दायर गरेका हुन्।
_x000D_
_x000D_
नेपालको संविधान, कारागार नियमावली, सजाय माफी मुल्तवी,परिवर्तन सम्बन्धी कार्यविधि, जेष्ठ नागरिक ऐन र सर्वोच्च अदालतकै विगतका नजिरका आधारमा आफूले छुट पाउनुपर्ने उनले दाबी गरेका छन्।
_x000D_
_x000D_
२६ प्रतिशत मात्र कैद भुक्तान गर्न बाँकी रहेको अवस्थामा समेत सजाय माफी नभएको जिकिर गर्दै उनले तत्काल रिहा गर्न अन्तरिम आदेश जारी गर्न माग गरेका छन्। २०६० असोज २ गतेदेखि २०८० असोज १ गतेसम्म २० वर्ष कैद भुक्तान गर्नुपर्नेमा १५ वर्ष भुक्तान गरेको दाबी निवेदनमा शोभराजले गरेका छन्।
_x000D_
_x000D_
केन्द्रीय कारागार प्रमुखले २०७५ बैसाख २० गते कारागार नियमावली अनुसार ज्येष्ठ नागरिकले पाउने छुट सुविधा अन्तर्गत २६ प्रतिशत कैद मात्र बाँकी रहेकाले सिफारिस गरेको तर सुविधा नपाएको उनको दाबी छ।
_x000D_
_x000D_
शोभराजले यसअघि नेपालको कारागारमा रहेका अमेरिकी नागरिक फेनिज मेसिनटोस नजिरलाई देखाउँदै छुट माग गरेका थिए। मेसिनटोसको मुद्दामा सर्वोच्चले ७ वर्ष कैद सजाय भएकोमा ३ वर्ष ८ महिना २१ दिन जेल बसेपछि छुट दिएको थियो। उनी क्यान्सरको गम्भीर बिरामी भएका कारण उनलाई ३ वर्ष ३ महिना ७ दिन ७५ वर्षको वृद्ध भएको आधारमा छुट दिने फैसला सर्वोच्चले गरेको थियो। कारागारमा रहेका उनी सर्वोच्चमा बन्दी प्रत्यक्षीकरण निवेदन लिएर गएका थिए। २०७५ भदौ २५ गते उनी रिहा भएको तर आफू भने ७० वर्ष उमेर पार गर्दासमेत उक्त सुविधावाट वन्चित भएको जिकीर शोभराजको छ।
_x000D_
_x000D_
शोभराजले आफू मात्र त्यस्तो विदेशी कैदी भएको जो १५ वर्षदेखि नेपालको जेलमा रहेको दाबी गरेका छन्। अन्य विदेशी कैदीहरु ८ देखि १० वर्षमा रिहा भएको तर आफूमाथि अन्याय भएको उनको निवेदनमा दाबी गरिएको छ।
_x000D_
_x000D_
सर्वोच्चले सोध्यो– सजाय छुट दिन मिल्छ कि मिल्दैन?
_x000D_
शोभराजको उक्त निवेदनमा पहिलो सुनुवाइ गर्दै सर्वोच्चले सरकारसँग कारण देखाउ आदेश जारी गरेको छ।
_x000D_
_x000D_
न्यायाधीश चोलेन्द्र शमशेर राणाको एकल इजलासले सरकारसँग लिखित जवाफ माग गर्दै १५ दिनभित्र जवाफ दिन भनेको छ।
_x000D_
_x000D_
२०३२ पुस ६ गते क्यानेडियन नागरिक लोरेन्ट क्यारियरको हत्या गरेर शव टुक्रा पारी भक्तपुरको मनोहरा खोलामा फालेका प्रकरणमा शोभराज भक्तपुर जिल्ला अदालतबाट दोषी ठहर भएका थिए। २०६० मा नेपाल आउँदा भने उनी प्रहरीको पञ्जाबाट फुत्किन सकेनन्। त्यसयता उनको जीवन केन्द्रीय कारागारमा बितिरहेको छ।
_x000D_
_x000D_
उनीविरुद्ध भक्तपुर चित्तपोलका गोकर्णबहादुर कार्कीले २०३२ पुस ६ मा मुद्दा दायर गराएका थिए। त्यसअघि काठमाडौंमा भएको कोन्नी ब्रोनिचको हत्यामा उनैको संलग्नता थियो।
_x000D_
_x000D_
अमेरिकन युवती कोनी ब्रन्चिजको हत्या मुद्दामा सर्वस्वसहित जन्मकैदको फैसला सुनाइएका शोभराज प्रहरीलाई छक्याउँदै भाग्न सफल पनि भएका थिए। उनी ‘नेपालको विमानस्थलबाट हात्ती नै छिराइदिन्छु’ समेत भन्थे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768049575.png)
-1764146706.png)
