हेटौंडा– पेट्रोलियम पदार्थको पाइपलाइन बिछ्याउने काम ५० प्रतिशत सकिएको छ।
_x000D_
_x000D_
नेपाल आयलनिगम पेट्रोलियम पाइपलाइन परियोजनाअनुसार सिमावर्ती भारतीय सहर रक्सौलदेखि अम्लेखगञ्जसम्म ३७ दशमलव ३५ किलोमिटर दूरीमा पाइपलाइन बिछ्याउने कार्यक्रमअन्तर्गत १९ किलोमिटर पाइपलाइन बिछ्याउने काम सम्पन्न भएको हो।
_x000D_
_x000D_
रक्सौलदेखि अम्लेसगञ्जसम्म विभिन्न अवरोध हटाउने काम अन्तिम चरणमा पुगेको र पाइपलाइन विस्तारको काम द्रूतगतिमा भइरहेको परियोजनाका प्रमुख भानुक्त खनालले जानकारी दिए।
_x000D_
_x000D_
नेपाल आयल निगमले पाइपलाइन बिछ्याउने बाटोमा पर्सा वन्यजन्तु आरक्ष क्षेत्रमा पर्ने रुख कटान गर्नका लागि वन मन्त्रालयबाट स्वीकृति पाइसकेको र त्यो काम पनि भइरहेको प्रमुख खनालले बताए।
_x000D_
_x000D_
रुख कटान गर्ने जिम्मेवारी नेपाल टिम्बर कर्पोरेशनलाई दिइएको छ भने काटिएका रुखको क्षतिपूर्ति आयल निगमले वन मन्त्रालयलाई दिने सहमति भएको छ।
_x000D_
_x000D_
सो आरक्षण क्षेत्रबाट करीब पाँच हजार ८ सय ८८ रुख काट्ने सहमति भएको बताइएको छ। रुख कटान हुनासाथ एक महिनामा पाइपलाइन बिछ्याउने काम सम्पन्न हुने प्रमुख खनालको भनाइ छ।
_x000D_
_x000D_
पाइपलाइन विस्तारका लागि आरक्ष क्षेत्रको १० किमी जङ्गल पर्छ। पाइपलाइन बिछ्याउने काममा आएका सबै अवरोध हटेकाले अबको एक महीनामा यो कार्य पूरा हुने उनले बताए।
_x000D_
_x000D_
नेपाल–भारत सहयोग कार्यक्रमअन्तर्गत २ अर्ब ७५ करोड भारतीय रुपैयाँको सहयोगमा उक्त पाइपलाइनको निर्माण कार्य भइरहेको छ। भारततर्फ विहारको मोतिहारीदेखि रक्सौलसम्मको पाइपलाइन विस्तार कार्यक्रमअन्तर्गत तीन किमी बनाउन बाँकी रहेको बताइएको छ। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762320424.png)
