काठमाडौं– प्रहरी प्रधान कार्यालयले चालू आर्थिक वर्ष २०७५/०७६ को पहिलो तीन महीनामा ६२ हजार ६ सय ८४ जनालाई प्रहरी रिपोर्ट प्रदान गरेको छ। विदेश जाँदा आवश्यक पर्नेहरुका लागि प्रहरी रिपोर्ट उपलब्ध गराइएको हो।
_x000D_
_x000D_
गत आर्थिक वर्षमा दुई लाख ७७ हजार ४ सय ९५ जनाले प्रहरी रिपोर्ट लिएका थिए। प्रहरी प्रवक्ता एवम् प्रहरी वरिष्ठ उपरीक्षक उत्तमराज सुवेदीले विदेशमा रहेका नेपालीलाई आवश्यक पर्ने प्रहरी रिपोर्ट छिटोछरितो उपलब्ध गराउन इमेलबाटै आवेदन लिने र इमेलबाटै प्रहरी रिपोर्ट पठाउने व्यवस्था मिलाइएको बताए।
_x000D_
_x000D_
‘विदेश जानेलाई विभिन्न केन्द्र र सातै प्रदेशबाट आवेदन लिने तथा प्रमाणपत्र दिने व्यवस्था मिलाएका छौँ’, उनले भने, ‘अझै छिटोछरितो र सहज हुने गरी उपलब्ध गराउन भविष्यमा अनलाइनबाटै हुनेगरी प्राविधिक संयन्त्र तयार गर्ने प्रक्रिया अगाडि बढाएको छ।’
_x000D_
_x000D_
सर्वेन्द्र खनाल प्रहरी महानिरीक्षक भएसँगै उपत्यकाका चार स्थानमा सेवा थप गरिएको थियो। हाल काठमाडौंको महानगरीय प्रहरी कार्यालय रानीपोखरी, महानगरीय प्रहरी वृत्त महाराजगञ्ज, कालिमाटी, गौशाला, महानगरीय प्रहरी परिसर भक्तपुर र परिसर ललितपुर तथा सातै प्रदेशबाट प्रहरी रिपोर्ट लिने व्यवस्था गरिएको छ।
_x000D_
_x000D_
प्रवक्ता सुवेदीले काठमाडौं उपत्यकाभित्र भरेको फाराम तीन दिनभित्र, प्रदेश कार्यालयबाट एक हप्तामा र विदेशी नागरिकका लागि एक हप्तामा रिपोर्ट लिन मिल्ने व्यवस्था गरिएको जानकारी दिए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
