काठमाडाैं– नेपाली कांग्रेसबाट निर्वाचित स्याङ्जास्थित चापाकोट नगरपालिकाका मेयर शिव गिरीको टोली रारा भ्रमणका क्रममा झगडा गर्दा उनीसहित केही घाइते भएका छन्।
_x000D_
_x000D_
स्याङ्जाबाट करिब तीन दर्जनको टोलीसहित गिरीको टोली रारा भ्रमण गएका थिए। भक्तपुरबाट गएको टोलीसँग गिरीको समूहको मादक पदार्थ सेवन गरेपछि झगडा भएको बताइएको छ।
_x000D_
_x000D_
रारा भ्रमण गरी फर्कने क्रममा बास बसेको होटलमा दुई पक्षबीच झगडा भएको थियो। झगडाका क्रममा भएका घाइतेहरुको कालिकोटस्थित अस्पतालमा उपचार भइरहेको छ।
_x000D_
_x000D_
सरकारी खर्चमा भ्रमण गएका गिरीको टोलीसँग कालिकोट सदरमुकामस्थित सनलाइट होटलमा झगडा भएको थियो। मेयर गिरीको टाँउकोमा चार टाँका लगाएको कालिकोटका प्रमुख जिल्ला अधिकारी चन्द्रबहादुर कार्कीले जानकारी गराए।
_x000D_
_x000D_
घाइतेहरुलाई जिल्ला अस्पताल र कुटपिट गर्नेहरुलाई प्रहरी कार्यालयमा राखिएको बताइएको छ। दुवै पक्षका नै घाइते भएका थिए। सात जनालाई प्रहरी कार्यालयमा राखिएको छ भने आधा दर्जन उपचाररत रहेका छन्।
_x000D_
_x000D_
कडा स्वाभावका गिरी रक्सी खाएपछि मातेका थिए। स्याङ्जास्थित कांग्रेसका एक कार्यकर्ताले गिरीको स्वभाव झगडालु रहेको बताए। कालिकोटका प्रजिअले भने, ‘स्याङ्जामा पनि नाम कमाउनुभएको थियो रे। यहाँ पनि नाम कमाउनु भयो।’मेयर गिरीलाई अन्यलाई भन्दा बढी चोट लागेको बताइएको छ।
_x000D_
_x000D_
कानुनसम्मत जाहेरी आएमा सार्वजनिक स्थानमा होहल्ला गरेको अभियोगमा कारबाही गरिने कार्कीले बताए।
_x000D_
_x000D_
गिरीले गत स्थानीय तहको निर्वाचनमा पूर्व एमालेका प्रत्यासी बुद्धिमान श्रेष्ठलाई पराजित गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762343742.png)
