इटहरी– गत भदौ ४ गते अज्ञात समूहद्धारा हत्या गरिएका खुर्सीद आलमको परिवार अझै बौरी सकेको छैन।
_x000D_
_x000D_
श्रीमती खोदीजा बेगम उनलाई सम्झिएर बोल्न सक्दिनन्, केवल आँसु झार्छिन्। चार छोरी, तीन छोराका बाबु खुर्सीदको हत्यापछि परिवारमा छाएको सन्नाटा कायमै छ। आफन्त र छरछिमेकको आवतजावत बाक्लै हुन्छ। तथापी, उनीहरूले पीडा भूल्न सकेका छैनन्।
_x000D_
_x000D_
खुर्सीद सामाजिक काममा बढी चासो दिने भएकोले छिमेकीहरूमा पनि उनको अभाव खड्किरहेको छ। सुनसरीे हरीनगराका भुटाहाबासी खुलेर हाँस्न सकेका छैनन्।
_x000D_
_x000D_
सरकारबाट १० लाख रुपैयाँ नगद पाए पनि उनीहरूको अनुहारबाट मुस्कान हराएको छ। ‘पैसाले लुटिएको खुसी किन्न सक्दैन,’ उनीहरूको परिवारको अवस्थाले यही कुरा प्रस्ट्याएको छ।
_x000D_
_x000D_
खुर्सीद परिवार अहिले सहिद परिवार भएको छ। गृहमन्त्री रामबहादुर थापा आफैंले हत्यारा पत्ता लाग्ने भन्दै उनलाई सहिद घोषणा गरे। खुर्सीदको आँगनमै पुगेर परिवारलाई आश्वासन दिए। तर, उनको आश्वासनको मिति म्याद सकिएको औषधी जस्तै भएको छ। हत्यारा पत्ता लाग्ने र पीडित परिवारलाई न्याय दिने गृहमन्त्रीको घोषणाप्रति परिवारको विश्वास गुमेको छ।
_x000D_
_x000D_
खुर्सीदका छोरा सहाजिद आलम गृहमन्त्रीले मक्ख पारेर काम नगरेको बताउँछन्। हत्या भएको यतिका दिन बितिसक्दा समेत एउटा पनि हत्यारा पत्ता लाग्न नसक्नु शंकास्पद रहेको उनको भनाइ छ।
_x000D_
_x000D_
‘अहिले पनि घरमा कोही नयाँ मान्छे आयो भने शंका लाग्छ,’ उनी त्रसिद मुद्रामा भन्छन्, ‘घरमा बस्ने अवस्था छैन। तर, सरकार र प्रहरी प्रशासनले वेवास्ता गरे झैं लाग्छ।’
_x000D_
_x000D_
खर्सीदका दाजु जावेद आलम प्रहरीले अनुसन्धानमा चासो नदिएको बताउँछन्। अनुसन्धान समिति गठन गरेको बताए पनि कुनै प्रगति हुन नसकेको उनको गुनासो छ। विभिन्न बाहाना पारेर घटनालाई ओझेलमा पार्न खोजिएको उनको अनुमान छ। भारतीय पक्षबाट भएका यस्ता अपराधले गाउँ नै अशान्त भएको आलमको ठम्याइ छ।
_x000D_
_x000D_
उता खुर्सीदको हत्यालगत्तै गृहमन्त्रालयले छानबिन टोली गठन गर्यो। एसएसपी किशोर कुमार दाहालको नेतृत्वमा बनेको टोलीले गृहमन्त्रीलाई प्रारम्भिक प्रतिवेदन बुझाइसकेको छ।
_x000D_
_x000D_
प्रारम्भिक चरणको छानबिन प्रतिवेदन बुझाएको र विस्तृत प्रतिवेदन केही दिनमै बुझाउने तयारी रहेको समितिका संयोजक दाहालको भनाइ छ।
_x000D_
_x000D_
प्रतिवेदनको आधारमा जिल्ला प्रहरी कार्यालय सुनसरीले अनुसन्धान गर्ने उनी बताउँछन्। जिल्ला प्रहरी कार्यालय सुनसरीका प्रहरी प्रमुख राजन अधिकारी अनुसन्धान अन्तिम चरणमा पुगेको बताउँछन्।
_x000D_
_x000D_
खुर्सीद हत्या गम्भीर प्रकृतिको घटना भएकोले अनुसन्धाको प्रक्रिया सार्वजनिक गर्न नमिल्ने उनको तर्क छ। तर, नेपाल प्रहरी र केन्द्रीय अनुसन्धान ब्यूरो (सिआइवी) दुवै टोलीले छुट्टाछुट्टै अनुसन्धान गरिरहेकाले अपराधी पत्ता लाग्नेमा विश्वस्त हुन उनी सुझाउँछन्।
_x000D_
_x000D_
घटनाको रहेको पक्षलाई मिहिन ढंगले प्रहरीले हेरिरहेको र त्यसबाट प्रहरी सफल हुनेमा उनी विश्वस्त देखिन्छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1776414047.png)
-1764146706.png)
