काठमाडौं– गत वर्ष असोज २३ गते शान्तिनगरमा नेपाल निर्माण व्यवसायी महासंघका अध्यक्ष शरदकुमार गौचनको गोली हानी दिउँसै हत्या भयो। हत्यापछि महानगरीय प्रहरी कार्यालय रानीपोखरी तत्कालीन डिआइजी गणेश केसीको नेतृत्वमा बनेको अनुसन्धान समितिले हत्यामा संलग्नमा पाँच जनालाई पक्राउ गर्यो।
_x000D_
_x000D_
केही समयपछि सिआइबीको टोलीले समीरमान सिंह बस्नेतलाई पक्राउ गर्यो। गौचन हत्यामै संलग्न मनोज पुन प्रहरी कारबाहीमा मारिए। कात्तिक १२ गते मात्रै महानगरीय प्रहरी अपराध महाशाखाको टोलीले उदयपुरका अम्बर बहादुर राना, झापाका लोप्साङ लामा र काठमाडौं नागार्जुनका रोशन बुढाथोकीलाई पक्राउ गरेको छ। हत्यामा संलग्न अजय थापा र गंगा लिङ्देन भने अझै फरार छन्।
_x000D_
_x000D_
महाशाखाले पक्राउ गरेका तीनजनाबाट नयाँ तथ्य खुल्न थालेको छ। प्रहरीले काँकडभिट्टाबाट पक्राउ परेको बताए पनि उनीहरुलाई सिक्किमबाट पक्राउ गरेर ल्याएइको स्रोतले बताएको छ।
_x000D_
_x000D_
गौचन हत्यापछि पक्राउ पर्ने बेलासम्मको नालीबेली
_x000D_
गौचनलाई गोली हानी केही समय पहिलेसम्म फरार रहेका परेका सुटर राना र श्याम गुम्बे नागढुंगा हुँदै चितवन पुगेका थिए। त्यहाँबाट उनीहरु ताप्लेजुङतिर लागे। श्याम गुम्बे र अमर राना मिल्ने साथी समेत हुन्। नेपाली सेनामा सँगै काम गरेका उनीहरू पछि जागिर छाडी समीरको समूहमा लागेर अपराधको दुनियामा प्रवेश गरेका थिए।
_x000D_
_x000D_
स्रोतका अनुसार ताप्लेजुङमा रहेको पाथीभरा मन्दिरको दर्शन गरेपछि उनीहरू उदयपुरतर्फ लागेका थिए। राना आफ्नो घर रौता गएको हुनसक्ने भन्दै प्रहरीले निगरानी समेत बढाएको थियो। तर राना भने घर नगई घरभन्दा ४ किलोमिटरमाथि जंगलको बाटो हुँदै फुपूदिदीको घरमा बसेका थिए।
_x000D_
_x000D_
उनले त्यँही बसेर तिहारको टिका समेत लगाएका थिए। त्यहाँपछि गायब भएको भन्दै डिआइजी केसी नेतृत्वको छानबिन समितिले पत्ता लगाएर फाइल बुझाएको थियो।
_x000D_
_x000D_
महाशाखाले पक्राउ गरेपछि गौचन हत्याका सम्मबन्धमा थप नयाँ कुरा खुल्न थाले। उदयपुरबाट लाहन हुँदै उनीहरु काठमाडौं आएका थिए। काठमाडौं आएपछि रोशन, अम्बर, श्याम गुम्बे र अजय थापाको भेट भयो। त्यसपछि उनीहरु गौचन हत्याका मुख्य योजनाकार समीरमानका घरमा बसेको प्रहरी स्रोतले जानकारी दियो।
_x000D_
_x000D_
नेपाल लाइभसँग कुराकानी गर्दै स्राेतले भन्यो, ‘यी चार जना समीरमानको पूरानो मुल घर बाफलमा एक महिनासम्म बसेका रहेछन्। घरको टप फ्लोरमा बस्ने गर्थे। तल नझर्ने। रिचार्ज कार्ड लगायतका अन्य सामान ल्याउनु परेमा अरुलाई नै लगाउने रहेछन्। हामीले त्यसबेला पनि रेकी त गरेका थियौं, तर पत्ता लगाउन सकिएन।’
_x000D_
_x000D_
एक महिना समीरमानको पुरानो घरमा बिताएका उनीहरु त्यसपछि दोलखा गएको अनुसन्धानबाट खुलेको छ। श्याम गुम्बे भने चितवनतिर लागे। उनी त्यतैबाट पक्राउ परे। अजय चितवन हुँदै भारत छिर्न भ्याएका थिए। उनी अझै फरार छन्। अम्बर र रोशनले भने दोलखामा साढे ४ महिना बिताएको स्रोतले जानकारी दियो।
_x000D_
_x000D_
बेला-बेलामा मोबाइल चलाउने गरेका उनीहरुको लोकेसन प्रहरीले पत्ता लगाइसकेको थियो। प्रहरीले उनीहरु दोलखामा बस्ने गरेको पत्ता लगाएर दोलखा नै पुगेपछि त्यहाँबाट भागेर भारत प्रवेश गरिसकेका थिए।
_x000D_
_x000D_
दोलखा बसुन्जेल उनीहरुले कतिपय स्थानमा बाटो खन्न आएको स्काभेटर चालक भएको परिचय दिने गरेका थिए भने कतिपय स्थानमा भने कही ओभरसियर, इन्जिनियरको परिचय दिने गरेका थिए। गाउँ सर्दै बसेका उनीहरु आफू बस्ने घरको काम समेत गर्थे। स्रोतले भन्यो ‘४/५ दिन एउटाको घरमा बस्ने, ४/५ दिन अर्काको घरमा यिनीहरु बस्थे। दिनभर हलो जोतिदिने, घर बनाइदिने, घाँस काटिदिने, गाईवस्तु चराउनेसम्मका काम गरेका थिए।’
_x000D_
_x000D_
दुई पटकसम्म प्रहरीको टोली दोलखा पुगेको थियो। तर हात लाग्यो शून्य। साढे चार महिना दोलखा बसेपछि उनीहरु त्यहाँबाट भारत प्रवेश गरे। भारतमा पुगेपछि उनीहरुको भेट लोप्साङसँग भएको थियो। यसभन्दा अघि लोप्साङसँग उनीहरुको चिनजान थिएन।
_x000D_
_x000D_
अम्बरले डेढ महिना मुम्बईमा खलाँसी काम गरे। मुम्बईबाटै व्यवसायी र कांग्रेस नेतालाई समेत फोन गरेर रकम माग गरेको सूचना अपराध महाशाखामा पुगेको थियो। फोन गरेर रकम माग गर्ने गरेको सूचना र मोबाइलको लोकेसन हेर्दै प्रहरी उनीहरुको नजिक पुग्न सफल भयो। पछिल्लो समय लोप्साङ, अम्बर र रोशन सिक्किममा बस्दै आएका थिए।
_x000D_
_x000D_
महाशाखाको टोलीले यी तीनै जनालाई सिक्किमा एउटा कोठामा ब्रोइलरको मासु पकाइरहेको अवस्थामा पक्राउ गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762333419.png)
1687176504.jpg)
