काठमाडौं। भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले गरेको शाखा अधिकृतको सरुवामा दुई जनालाई पुनः प्रमुख प्रशासकीय अधिकृतकै जिम्मेवारी दिइएको छ।
सामान्यतया एउटै शाखा अधिकृतलाई अर्को स्थानीय तहमा पुनः प्रमुख प्रशासकीय अधिकृतको जिम्मेवारी दिने अभ्यास कम हुने भए पनि यसपटक त्यस्तो व्यवस्था गरिएको हो।
मन्त्रालयले प्रशासन सेवातर्फ ४७ र प्राविधिक सेवातर्फ ३४ गरी ८१ जना शाखा अधिकृतको सरुवा गरेको छ। मन्त्रालयले प्रशासन सेवाका ४७ र प्राविधिक सेवाका ३४ शाखा अधिकृतलाई विभिन्न स्थानमा सरुवा गरेको हो।
प्रशासन सेवातर्फ सरुवा भएका ४७ जनामध्ये आठ जनालाई विभिन्न गाउँपालिकाको प्रमुख प्रशासकीय अधिकृतको जिम्मेवारी दिइएको छ।
यस क्रममा डडेल्धुराको नवदुर्गा गाउँपालिकाका प्रमुख प्रशासकीय अधिकृत दुर्गादत्त भट्टलाई बाजुराको गौमूल गाउँपालिकाको प्रमुख प्रशासकीय अधिकृतमा खटाइएको छ। त्यस्तै, बाजुराको जगन्नाथ गाउँपालिकाका प्रमुख प्रशासकीय अधिकृत हेमन्त चुनारालाई सुर्खेतको चिङ्गाड गाउँपालिकाको प्रमुख प्रशासकीय अधिकृतको जिम्मेवारी दिइएको छ।
अर्थात्, दुवै शाखा अधिकृतको जिम्मेवारी स्थानीय तहको प्रमुख प्रशासकीय अधिकृतकै रूपमा निरन्तर भएको छ। मन्त्रालयको पछिल्लो सरुवामा देखिएको यो पक्षलाई सामान्य सरुवाभन्दा फरक अभ्यासका रूपमा हेरिएको छ।
सरुवासँगै बागलुङका बरेङ र बडीगार्ड, बाजुराका गौमूल र जगन्नाथ, प्युठानको सरुमारानी, सुर्खेतको चिङ्गाड, जुम्लाको तातोपानी तथा डडेल्धुराको नवदुर्गा गाउँपालिकाका प्रमुख प्रशासकीय अधिकृत हेरफेर भएका छन्।
्
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781922122.jpg)
-1786602170.png)
