काठमाडौं– रोजगारीका लागि नेपाल आउने विदेशी कामदारको संख्यामा ४५ प्रतिशतले कमी आएको छ। चालु आर्थिक वर्ष सुरु भएको ३ महिनामा ३ सय ३६ जना विदेशी श्रमिकले श्रम स्वीकृति लिएको श्रम तथा व्यवसायजन्य सुरक्षा विभागले जानकारी दिएको छ।
_x000D_
_x000D_
गत वर्षको सोही अवधिमा ६ सय ६ जना विदेशी कामदारले रोजगारी अनुमति (श्रम स्वीकृति) लिएको विभागको तंथ्याकमा उल्लेख छ। गत वर्षका तुलनामा चालु आर्थिक वर्षमा रोजगारीका लागि नेपाल आउने विदेशी कामदारको संख्यामा ४५ प्रतिशतले गिरावट आएको विभागको तंथ्याकमा उल्लेख छ।
_x000D_
_x000D_
आर्थिक वर्ष सुरु भएको पहिलो महिना साउनमा १ सय २९ जनाले श्रम स्वीकृति लिएका थिए भने, गत आर्थिक वर्षको सोही अवधिमा १ सय ७ जनाले श्रम स्वीकृति लिएको विभागको तंथ्याक छ।
_x000D_
_x000D_
चालु आर्थिक वर्षको भदौमा १ सय २२ र असोज महिनामा ८५ जनाले मात्र श्रम स्वीकृति लिएका छन्। गत आर्थिक वर्ष भदौमा ३ सय ३३ र आसोजमा १ सय ६६ जना विदेशी कामदारले नेपालमा काम गर्न श्रम स्वीकृति लिएको विभागले तंथ्याकमा उल्लेख गरिएको छ।
_x000D_
_x000D_
आयोजनाको कामअनुसार विदेशी कामदार थपघट भइरहन्छन्
_x000D_
ठूला आयोजनामा धेरै विदेशी कामदार रोजगारीका लागि आउने गरेको विभागका महानिर्देशक रामप्रससाद भट्टराईले बताएका छन्। नेपालमा विदेशी लगानी बढ्यो भने रोजगारीका लागि आउने विदेशी नागरिकको संख्या पनि बढ्ने उनको भनाई छ। आयोजना र कामअनुसार विदेशी कामदारको संख्यमा घटबढ भइरहने महानिर्देशक भट्टराईले बताए।
_x000D_
_x000D_
नेपालमा चीन, भुटान, बंगलादेश, फ्रान्स, जर्मनी, अफ्रिका, नर्वे, अमेरिका, भारत, जापान, दक्षिण कोरिया, क्यानडा लगायत ६५ देशबाट रोजगारीका लागि कामदार आउने गरेको विभागले जानकारी दिएको छ।
_x000D_
_x000D_
मेलम्ची खानेपानी, तामाकोशी, मध्यभोटेकोशी, माथिल्लो मादी, मर्स्याङ्दी, त्रिशुली, चमेलिया जलविद्युत, ठूला सडक आदि आयोजना निर्माणमा धेरै चिनियाँ, भारतीय, बंगलादेशी र भुटानी कामदारले श्रम स्वीकृति लिएर काम गर्ने विभागले जनाएको छ।
_x000D_
_x000D_
एउटै आयोजनाका लागि २ सयभन्दा बढी विदेशी कामदारले श्रम स्वीकृति लिने गरेको विभागको भनाइ छ। आर्थिक वर्ष सुरु भएको ३ महिनामा २ सय ९७ जना विदेशी श्रमिकले श्रम स्वीकृति नवीकरण गरेको समेत विभागले जानकारी दिएको छ।
_x000D_
_x000D_
करीव ४ सय उजुरी
_x000D_
यो अवधिमा ३ सय ८४ वटा उजुरी विभागमा परेका छन्। भने २ सय २७ वटा श्रमसम्बन्धीका समस्या समाधान गरेको समेत विभागले जानकारी दिएको छ। चालु आर्थिक वर्षको ३ महिनामा १० वटा दुर्घटनाका निवदेन आएका छन्।
_x000D_
_x000D_
गत आर्थिक वर्ष २०७४/७५ मा १६ हजार ८ जनाले श्रम स्वीकृति लिएका थिए भने अघिल्लो आव २०७३÷७४ मा १२ हजार ५४ जनाले श्रम स्वीकृति लिएको विभागको तंथ्याक छ।
_x000D_
_x000D_
श्रम स्वीकृति शुल्क २० हजार
_x000D_
श्रम नियमावली २०७५ मा उल्लेख भएअनुसार विदेशी कामदारले नेपालमा काम सर्न श्रम स्वीकृति लिँदा २० हजार राजश्व तिर्नुपर्छ।
_x000D_
_x000D_
सरकारले यस अघिसम्म जुनसुकै मुलुकबाट विविध क्षेत्रमा काम गर्न आउने कामदारका लागि वार्षिक १० हजार रुपैयाँमा श्रम स्वीकृति शुल्क लिने गरेको थियो। तर, यो शुल्क श्रम नियमावली जारी गर्दै प्रतिव्यक्ति २० हजार रुपैयाँ पुर्याइएको छ। देश र कामका आधारमा रकम तय नगरी समान व्यवहार गरेको महानिर्देशक भट्टराई बताउँछन्।
_x000D_
_x000D_
नयाँ लागू भएको नियम र रकम भारतीय कामदारलाई पनि लागू हुने उनको भनाइ छ। यसैगरी ६ महिनाभन्दा कम समयका लागि श्रम स्वीकृति लिँदा भने १५ हजार रुपैयाँ मात्रै लाग्नेछ।
_x000D_
_x000D_
नेपाल सरकार तथा विभिन्न संस्थासँग सम्झौता गरेर श्रम स्वीकृति लिने कामदारमध्ये दक्ष कामदार बढी आउने गरेका छन्। भूकम्पले क्षति गरेको क्षेत्रमा काम गर्ने इच्छा देखाएर आउनेको संख्या बढी रहेको उनले जानकारी दिए। नेपालमा रोजगारी खोज्दै आउने विदशी कामदारको संख्या अझै बढी रहेको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
