काठमाडौं– प्रतिनिधि सभा अन्तर्गतको राज्य व्यवस्था तथा सुशासन समितले काठमाडौं–निजगढ द्रुतमार्ग (फास्ट ट्र्याक)को स्थलगत अनुगमन गरेको छ। जग्गाको उचित मुआब्जा नपाएको भन्दै न्याय दिन माग गर्दै राज्य व्यवस्था तथा सुशासन समितिमा स्थानीयले उजुरी दिएपछि समतिले बिहीबार स्थलगत अनुगमन गरेको हो।
_x000D_
_x000D_
दु्रतमार्ग, बाहिरी चक्रपथ, १ सय ३२ केभी विद्युत् प्रशारण लाईन निर्माण गर्ने सम्बन्धमा आफूहरूसँग भएको पूर्वसहमति विपरीत सरकारले बल प्रयोग गरेको भन्दै खोकना बुङमतीका स्थानीयले विरोध गर्दै अाएका छन्।
_x000D_
_x000D_
स्थलगत अनुगमनमा पुगेको समितिको टोलीसंग स्थानीयवासीले आफूहरुमाथि अन्याय नहुने व्यवस्था गर्न सरकारलाई निर्देशन दिन आग्रह गरेका थिए।
_x000D_
_x000D_
‘खोकना र बुङगमतिको संरक्षण गरी संरचना बनाउने गरी भएको सहमति विपरीत रातारात डोजर लगाई बलमिच्याईं गर्ने काम भएको देखिएको छ,’ राज्य व्यवस्था समिति सदस्य पम्फा भुसालले भनिन्। सांस्कृतिक महत्वका धरोहर जोगाएर निर्माण प्रक्रिया अघि बढाउनुपर्ने तर्क उनको थियो।
_x000D_
_x000D_
समिति सभापति शशी श्रेष्ठले स्थानीयको सवालका विषयमा बैठकमा छलफल गरी निर्णय गरिने बताएकी छन्।
_x000D_
_x000D_
के हो स्थानीयको माग?
_x000D_
_x000D_
आयोजनाले मुआब्जा लिने सवालमा स्थानीयलाई तर्साउने काम गरेको स्थानीयले गुनासो गर्दै अाएका छन्। बजारमूल्य अनुसारको जग्गाको मुआब्जा दिनुपर्ने आफूहरुको माग सम्बोधन गर्नुको सट्टा धम्क्याउने काम भएको भन्दै स्थानीयले समितिका प्रतिनिधि समक्ष आक्रोश पोखेका थिए।
_x000D_
_x000D_
‘नेकपा अध्यक्ष पुष्पकमल दाहाल, नेपाली कांग्रेसका नेता बिमलेन्द्र निधी र सांसद पम्फा भुसालले समस्या समाधान गर्ने प्रतिबद्धता व्यक्त गरेको भएपनि सो पूरा हुन सकेन’ स्थानीयबासी रत्नमान तुलाधरले भने।
_x000D_
_x000D_
ललितपुरबाट निर्वाचित भएका प्रदेशसभा सदस्य जीवन खड्काले आयोजनाको केन्द्रबिन्दू कहाँ र कसरी राख्ने भन्ने विषय प्राविधिक भएकाले त्यसमा विवाद गर्नु भन्दा स्थानीयको आर्थिक, सांस्कृतिक मागको सम्बोधन हुनुपर्ने तर्क गरेका छन्। विकास निर्माणको कामबाट विस्थापित हुन पुगेका स्थानीयको उचित पुनःस्थापना गरिनुपर्ने उनको भनाई छ।
_x000D_
_x000D_
स्थानीयको उजुरीमाथि छलफल गर्न बुधबार समितिको बैठकले खोकना र बुङमतीका क्षेत्र भित्रको द्रुतमार्गको स्थलगत अनुगमन गर्ने निर्णय गरेको थियो।
_x000D_
_x000D_
राष्ट्रिय गौरवका आयोजना निर्माणको चौतर्फी चपेटामा परेका बुंगमति र खोकनाबासीले ऐतिहासिक तथा सांस्कृतिक धरोहरहरु संकटमा पर्ने भन्दै सम्पदा जोगाएर उचित मुआब्जा दिई निर्माण कार्य गर्न माग गर्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
