भैरहवा- भरैहवामा निर्माण भइरहेको गौतमबुद्ध अन्तर्राष्ट्रिय विमानस्थलको रनवे पिच कार्य आजबाट सुरु भएको छ। निमार्ण कम्पनीले संस्कृति, पर्यटन तथा नागरिक उड्डयन मन्त्री रवीन्द्र अधिकारीको उपस्थितिमा रनवेको पिच गरेको हो।
_x000D_
_x000D_
२०२३ सालमा भारत सरकारको सहयोगमा निर्मित गौतमबुद्ध विमानस्थललाई स्तरोन्नति गरी अन्तर्राष्ट्रिय विमानस्थलका रूपमा निर्माण गर्ने जिम्मा चिनियाँ कम्पनी नर्थ वेस्ट सिभिलले गरिरहेको छ। विमानस्थलको भौतिक संरचना निर्माण कार्यले तीव्रता लिएसँगै ४ महिना भित्र आयोजनाले पूर्णता पाउने गरी काम अघि बढेको मन्त्री अधिकारीको भनाइ छ।
_x000D_
_x000D_
_x000D_
_x000D_
साथै विमानस्थल निर्माणको कार्य आगामी अगष्टभित्रै सम्पन्न भई सञ्चालनमा आउने मन्त्री अधिकारीको दाबी छ।
_x000D_
_x000D_
रनवेको कालोपत्रे उद्घाटन गर्दै मन्त्री अधिकारीले मौसमले साथ दिए ४ महिना भित्र कालोपत्रेको निर्माण कार्य सम्पन्न हुने बताए। तर, मौसमप्रतिकूल भएको अवस्थामा पनि ६ महिना भित्र विमानस्थल सञ्चालनमा आउने मन्त्री अधिकारीको दाबी छ।
_x000D_
_x000D_
तीन किलोमिटर लम्बाइ भएको रनवेमा अहिले पिच गर्ने काम सुरु भएको छ। योसँगै अब लाइटिङ्गको काम पनि अघि बढ्ने आयोजनाका निमित्त प्रमुख प्रवेश अधिकारीको भनाइ छ।
_x000D_
_x000D_
_x000D_
_x000D_
‘धावनमार्गको काम सम्पन्न गर्न सरकारले दिएको समय ६ महिना हो’ विमानस्थलको रन वे उद्घाटन तथा निरीक्षण गर्दै पर्यटनमन्त्री अधिकारीले भने ‘ठेकेदारले ४ महिना सम्पन्न गर्छौ भन्नुभएको छ। चार महिनामा रनवे पिचको काम सम्पन्न भए ठेकेदारलाई सरकारले सम्मान गर्छ।’
_x000D_
_x000D_
रनवे पिच गर्ने काम सकिएलगतै आन्तरिक उडान पनि नयाँ रनवेबाट हुने र हाल सञ्चालनमा रहेको रनवे ट्याक्सीवेमा परिणत हुने गरी काम अगाडि बढाईएको आयोजनाले जनाएको छ।
_x000D_
_x000D_
_x000D_
सञ्चालनमा रहेको रनवेको पूर्वतर्फ २ सय मिटर र पश्चिमतर्फ २ सय मिटर बढाएर ट्याक्सीवेको रुपमा प्रयोग गरिने आयोजनाको भनाइ छ। त्रिभुवन अन्तराष्ट्रिय विमानस्थलको रनवेको पिच परिर्वतन गर्न पनि गौतम बुद्ध अन्तराष्ट्रिय विमानस्थल समयमै सञ्चालन गर्नुपर्ने अवस्था रहेको मन्त्री अधिकारीको भनाइ छ।
_x000D_
_x000D_
योसँगै गौतमबुद्ध अनतर्राष्ट्रिय विमानस्थलमा हुने यात्रुको चापलाई मध्यनजर गर्दै थप एउटा टर्मिनल भवन र १० वटा विमान राख्न मिल्ने गरी थप एउटा जहाज पार्किङ वे समेत निर्माण हुने मन्त्री अधिकारीको भनाइ छ। अहिले एउटा अन्तराष्ट्रिय ट्रर्मिनल भवन र ६ वटा विमान पार्किङ गर्न सकिने गरी पार्किङ वे निर्माण गरिएको छ।
_x000D_
_x000D_
नयाँ आउने एयरलाइन्स कम्पनीको उडान अनुमति दिँदा पनि गौतम बुद्ध विमानस्थलबाट उडान गर्नुपर्ने गरी अनुमति दिने गृहकार्य मन्त्रालयले गरिरहेको मन्त्री अधिकारी बताए।
_x000D_
_x000D_
गौतम बुद्ध विमानस्थलबाट उडान भर्न धेरै एयरलाइन्स इच्छुक छन्। विमानस्थल अपरेसन पछि विभिन्न मुलुकको एयरलाइन्स कम्पनीका जहाजहरुले यहीबाट उडान भर्नेछन्’, उनले भने।
_x000D_
_x000D_
_x000D_
हालसम्म विमानस्थल निर्माणको ५५ प्रतिशतभन्दा बढी काम सम्पन्न भइसकेको विमानस्थल आयोजनाका निमित्त प्रमुख ईन्जिनियर प्रवेश अधिकारीले बताए। ‘विमानस्थल निर्माणमा पर्ने सबैभन्दा ग्राहो काम सकिसकेको छ’, उनले भने, ‘ जुनसुकै अवस्थामा पनि सन् २०१९ भित्रै विमानस्थल अपरेशनका लागि तयारी हुन्छ’।
_x000D_
_x000D_
हवाई रुटको समस्या हुँदैन
_x000D_
_x000D_
हवाई रुटको लागि पनि कुनै समस्या नरहेको मन्त्री अधिकारीको भनाइ छ। सरकारले भारतसँग नेपालगञ्ज, महेन्द्रनगर, जनकपुर र विराटनगरका लागि हवाई रुटको उच्चस्तरीय सम्झौता गरिसकेको छ।
_x000D_
_x000D_
तर, त्यसमा भारतले महेन्द्रनगर र नेपालगञ्जको हवाई रुटका लागि सुरक्षाको कारण देखाउँदै भैरहवाको हवाई रुटको सम्झौता गर्न प्रस्ताव गरेकोले भैरहवा विमानस्थलका लागि हवाई रुटको समस्या नरहेको स्पष्ट मन्त्री अधिकारीले स्पष्ट पारेका थिए।
_x000D_
_x000D_
मुआब्जा वितरण छिट्टै हुन्छ
_x000D_
विमानस्थल निर्माणका लागि अधिग्रहण गरिएको जग्गाको बाँकी मुआब्जा छिट्टै वितरण हुने मन्त्री अधिकारीले बताए। यसका लागि तत्काल ४ अर्ब निकासा भएको र यसै वर्ष थप ९ अर्ब रुपैयाँ वितरण हुने मन्त्री अधिकारीले बताए।
_x000D_
_x000D_
यसअघि असारदेखि नै विमानस्थलमा ल्याउने बताइएको थियो। तर असारमा विमानस्थल सञ्चालन गर्न नसकिने समाचार यसअघि नै नेपाल लाइभले प्रकाशन गरेको थियो।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
