काठमाडौं- महासमिति बैठकको मिति र स्थान तोकिए पनि नेपाली कांग्रेसभित्रको विवादले बैठकको तयारी सुस्त गतिमा छ। शीर्ष नेताबीचकै गुटबन्दीले भ्रातृसंस्था नेपाल विद्यार्थी संघ भने विघटनको संघारमा पुगेको छ।
_x000D_
_x000D_
महासमिति बैठकमा प्रस्तुत गर्ने विधान निर्माणका लागि गठन हुने विधान मस्यौदा समितिमा रहने सदस्यबीच पार्टीमा लामो मतभेद भएको थियो। पार्टीका समूहले आफूपक्षीय नेतालाई मस्यौदा समितिमा राख्ने आकांक्षाले मस्यौदा समिति बन्नै निकै ढिलाइ हुन पुग्यो।
_x000D_
_x000D_
अन्ततः सभापति पक्षले आफ्नो समूहका बहुमत सदस्य पर्ने गरी ११ सदस्यीय समिति बनाए। वरिष्ठ नेता रामचन्द्र पौडेल समूहले आपत्ति जनाएसँगै दुई सदस्य थपेर १३ सदस्यीय विधान मस्यौदा समिति बनाइयो।
_x000D_
_x000D_
प्रवक्तासहित सात जना रहेका पदाधिकारीको संख्या बढाएर १० सदस्यीय बनाउन समितिका सदस्य सहमतिमा पुगेका छन्। सभापति बाहेकका पदाधिकारी सभापतिले मनोनयन गर्ने पक्षमा संस्थापन समूह छ। सभापतिले मनोनीत गरेका पदाधिकारी केन्द्रीय समितिमा जानकारी गराए मात्रै हुने व्यवस्था गर्न लागिएको छ।
_x000D_
_x000D_
संस्थापन इतर समूहले भने सबै पदाधिकारी निर्वाचित हुनुपर्नेमा जोड दिएको छ। नेता डा शेखर कोइराला भने पार्टी सभापति स्वतः संसदीय दलको नेता हुने व्यवस्थाको विरोध गरिरहेका छन्। उनी भन्छन्, ‘विधानमा राखिएको नयाँ व्यवस्थाले सभापतिलाई निरंकुश बनाउँछ।’
_x000D_
_x000D_
कांग्रेसको विधानलाई महासमिति सदस्यको दुई तिहाइको मतले पारित गर्नुपर्छ। महासमिति बैठकअघि केन्द्रीय समितिले विधान अनुमोदन गर्नुपर्नेछ। केन्द्रीय कार्य समितिमा फरक फरक मतसहित पेस भएको विधानलाई महासमितिले सहज रुपमा दुई तिहाइले पारित हुन असम्भव जस्तै देखिएको छ।
_x000D_
_x000D_
सभापतिलाई बलियो बनाउने गरी विधान संसोधन गर्ने पक्षमा संस्थापन समूह छ भने इतर समूह त्यसको विपरीत धारमा छ।
_x000D_
_x000D_
मिति तोकेको दुई महिनापछि बल्ल स्थान तय
_x000D_
भदौ ९ मा बसेको बैठकले मंसिर ५ देखि ९ सम्म महासमिति बैठक गर्ने निर्णय गरेको थियो। तर बैठक तयारीलाई तीव्रता दिन सकेको छैन। निर्वाचनमा पराजयको समीक्षा गर्न बैशाखमा बसेको केन्द्रीय कार्य समितिको बैठकले भदौमा महासमितिको बैठक गर्ने निर्णय गरेको थियो।
_x000D_
_x000D_
पार्टी सभापति शेरबहादुर देउवा मूल आयोजक समितिको संयोजक हुने गरी काठमाडौं, भक्तपुर र ललितपुरका जिल्लाका सभापतिलाई आयोजक समितिमा राख्ने निर्णय गरिएको थियो। मिति तोकेको दुई महिनापछि हिनो शनिबार स्थान तय गर्न सकेको कांग्रेसले महासमिति बैठक तयारीका लागि पार्टीले उपसमिति बनाउने कार्य अहिलेसम्म गर्न सकेको छैन। अर्कोतर्फ मस्यौदा समितिले हालसम्म आफ्नो कार्य सम्पन्न गरेको पनि छैन। काठमाडौंको भृकुटीमण्डपमा महासमिति बैठक हुने निर्णय शनिबार भएको छ।
_x000D_
_x000D_
दसैंअघि मस्यौदालाई अन्तिम रुप दिएर केन्द्रीय कार्यसमितिमा पेस गर्ने बताइए पनि मस्यौदा समितिका सदस्यबीच मतभेद चुलिएको छ।
_x000D_
_x000D_
महासमिति बैठकलाई केन्द्रमा राखेर सभापतिले नेताहरुसँग आन्तरिक छलफल गर्न सकेका छैनन्। केन्द्रीय सदस्य कुलबहादुर गुरुङले महासमिति बैठक तोकिएको मितिमा हुनेमा शंका व्यक्त गर्छन्। उनले भने, ‘एक अर्कालाई गाली गर्दैमा समय खर्चेका छन्। महासमितिको पूर्व तयारी छैन।’
_x000D_
_x000D_
सभापतिले बैठक डाक्न नसके पनि पौडेल गुटको भेला भने दसैंअघि बसेको थियो। महामन्त्री डा शशांक कोइरालाको निवासमा गुटका शीर्ष नेता भेला भए।
_x000D_
_x000D_
आसन्न महासमिति बैठकको तयारीमा शीर्ष नेताको ध्यान जान सेकेको छैन। वरिष्ठ नेता रामचन्द्र पौडेल यसै समयमा तीर्थाटनका लागि भारत भ्रमणमा छन्। कांग्रेसभित्र उत्पन्न विवादले केन्द्रीय कार्य समितिको बैठक अनिश्चित बनेको छ।
_x000D_
_x000D_
विघटनको संघारमा नेविसंघ
_x000D_
मंसिर २ सम्मको अवधि रहेको नेविसंघको वर्तमान कार्यसमितिले सो मिति अगावै १२औं महाधिवेशन गर्नुपर्ने हो। संशोधित विधान र महाधिवेशन कार्यतालिका पार्टीलाई बुझाए पनि सो अनुरुप प्रक्रिया अघि बढ्न सकेन। ३२ वर्षे उमेर हद कायम हुने विधान पार्टीको निर्देशक समितिलाई बुझाएको संघको विधानकै विषयलाई लिएर पार्टीका समूहबीच दुरी झन् बढेको छ।
_x000D_
_x000D_
संस्थापन इतर समूहका नेताले केन्द्रीय कार्यसमिति बहिष्कार गर्ने चेतावनी दिएपछि असोज २५ का लागि डाकिएको बैठक अनिश्चितकालको लागि रोकिएको छ। असोज २१ मा भएको केन्द्रीय समितिको बैठकमा संस्थापन पक्षले बहुमतका आधारमा नेविसंघका उमेर हद लागू गर्ने निर्णय गरेको थियो।
_x000D_
_x000D_
करिब तीन साता कार्यकाल रहेको नेविसंघको वर्तमान कार्य समितिले पार्टीबाट विधान प्राप्त गर्न सकेको छैन। पार्टीले बाँकी रहेको अवधिमा महाधिवेशन गर्न विधान उपलब्ध गराए पनि महाधिवेशन हुने कुनै पनि सम्भावना अब बाँकी छैन। विद्यालय, क्याम्पस, सिटिइभिटीलगायत प्रादेशिक संरचनाअनुरुप तल्लो तहदेखि अधिवेशन गर्न समया अभाव छ।
_x000D_
_x000D_
११औं महाधिवेशनमा संघको सभापतिमा पराजित मनोजमणि आचार्यले मंसिर २ पछि संघ स्वतः विघटन हुने बताए। वैधानिकता सकिएको असक्षम कार्यसमितिलाई समय पुनः समय थप्नु उपयुक्त नहुने उनको तर्क छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762500283.png)
-1762502734.jpg)
