न्युयोर्क– प्रधानमन्त्री वालेन्द्र शाह (बालेन) ले विश्वव्यापी जलवायु संकटविरुद्ध नेपालले एक्लै उत्थानशीलता निर्माण गर्न नसक्ने बताएका छन्।
महासभामा सम्बोधन गर्दै उनले नेपालले वन संरक्षण, स्वच्छ ऊर्जा, विद्युतीय सवारीसाधन र स्थानीय तहमा जलवायु अनुकूलनका क्षेत्रमा काम गरिरहेको बताए।
उनका अनुसार नेपालले आफ्नो भूभागको करिब आधा हिस्सा ढाक्ने गरी वन पुनर्स्थापना गरेको छ। स्वच्छ ऊर्जा उत्पादन विस्तार गर्दै विदेशमा प्रदूषणकारी ऊर्जाको प्रयोग विस्थापित गर्न सक्ने गरी जलविद्युत् विकास भइरहेको उनले बताए।
त्यस्तै विद्युतीय सवारीसाधनको प्रयोग बढिरहेको र स्थानीय तहमा जलवायु अनुकूलनलाई बलियो बनाउने काम भइरहेको उनले बताए।
‘तर विश्वव्यापी शासन प्रणालीका कमजोरीले संकट थप गम्भीर बनेको भन्दै प्रधानमन्त्री शाहले नेपाल एक्लैले यसको सामना गर्न सक्दैन,’ उनले स्पष्ट पार्दै भने।
उनले उत्थानशीलताका लागि लगानी, बीमा, नवप्रवर्तन, बलिया पूर्वाधार र संस्थागत क्षमता विकास गर्नुपर्ने बताए। साथै जीवाश्म इन्धनमाथिको निर्भरता घटाउन र प्रभावकारी पूर्वसूचना प्रणाली निर्माण गर्नुपर्नेमा जोड दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790301717.jpeg)
-1786602170.png)
