काठमाडौं– स्वास्थ्य तथा खाद्य स्वच्छतामन्त्री निशा मेहताले राजविराजस्थित गजेन्द्र नारायण सिंह अस्पतालमा बबिता पासवानले भर्ना नपाएपछि सडकपेटीमा बच्चा जन्माउन बाध्य भएको घटनाबारे प्रतिनिधिसभामा जवाफ दिएकी छन् ।
शुक्रबार प्रतिनिधिसभाको बैठकमा सांसदहरूले उठाएका प्रश्नको जवाफ दिँदै मन्त्री मेहताले उक्त घटनाबारे सरकारको धारणा राखेकी हुन् ।
‘घटनाको जानकारी प्राप्त हुनासाथ मन्त्रालयले अस्पतालसँग घटनाका सम्बन्धमा २४ घण्टे स्पष्टीकरण माग गरेको थियो, र स्पष्टीकरण पेस भइसकेको पनि छ,’ उनले भनिन् ।
पाँच सदस्यीय टोली छानबिनको लागि अस्पताल पुगिसकेको मन्त्री मेहताले जानकारी दिइन् । घटनाको छानबिनका लागि जिल्ला प्रशासन कार्यालय सप्तरीबाट समिति गठन भइसकेको छ ।
‘छानबिन प्रतिवेदन प्राप्त भएपश्चात् दोषी देखिएकाहरूसँग कानुनबमोजिम कारबाही हुने नै छ । यस्तो अवस्था दोहोरिन नदिन अस्पतालले प्रतिबद्धता जनाइसकेको छ,’ मन्त्री मेहताले भनिन् ।
मन्त्रालयले समेत अस्पताललाई सचेत गराइसकेको उनले जानकारी दिइन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791196217.png)
-1791194094.png)
-1786602170.png)
-1791090469.jpeg)
