चितवन– चितवनसहित विभिन्न जिल्लामा रहेका ग्यास उद्योगबाट ५३ हजार ४६९ सिलिन्डर एलपी ग्यास भरेर काठमाडौं पठाइएको छ। कृष्णभीरमा झरेको पहिरोका कारण ग्यास बोकेका बुलेट काठमाडौं जान नसकेपछि बुधबार चितवनसहित विभिन्न जिल्लाबाट सिलिन्डर भरेर उपत्यका पठाइएको हो।
नेपाल एलपी ग्यास उद्योग संघका केन्द्रीय सदस्य विमल कालाखेतीका अनुसार उपत्यकामा एलपी ग्यासको अभाव हुन नदिन बुलेटमार्फत ग्यास ढुवानी गर्न नसकिएपछि विभिन्न जिल्लामा रहेका उद्योगबाट सिलिन्डर भरेर काठमाडौं पठाउन थालिएको हो।
नेपाल ग्यास उद्योग नारायणीबाट विभिन्न कम्पनीका ४ हजार ५४३ सिलिन्डर पठाइएको उनले जानकारी दिएका छन्। तीमध्ये एचपीका १ हजार २१३, नेपाल ग्यासका १ हजार ६७८, गीताका १४० र सागरका १ हजार ५१२ सिलिन्डर छन्।
धनुषास्थित नोबेल ग्यास उद्योगबाट सागर उद्योगका ५ हजार ६१८ सिलिन्डर काठमाडौं पठाइएको छ। बारास्थित ग्यास वन (एनएल) उद्योगबाट सीताश्री उद्योगका १ हजार ६०९, जगदम्बा ग्यास उद्योगबाट मेट्रो एसटिसी र सूर्य उद्योगका २ हजार १२१, लियो ग्यास उद्योगबाट उग्रचण्डी र श्रीमाया उद्योगका ३ हजार १८१ तथा अम्बर ग्यास उद्योगबाट सिद्धार्थ र मेट्रो एसटिसी उद्योगका १ हजार ९२ सिलिन्डर पठाइएको छ।
पर्सास्थित सुपर ग्यास उद्योगबाट हिमाल कम्पनीका ६६३ र मनोज ग्यास उद्योगबाट उग्रचण्डी तथा मेट्रो एसटिसी उद्योगका १ हजार ३७ सिलिन्डर काठमाडौं पठाइएको छ।
मकवानपुरको सहारा ग्यास उद्योगबाट एभरेष्ट र सुगम उद्योगका ७ हजार ८७७ सिलिन्डर तथा चितवनको नेपाल ग्यास उद्योग गण्डकीबाट एपी, नेपाल र गीता उद्योगका ७ हजार ३४८ सिलिन्डर उपत्यका पठाइएको छ।
त्यस्तै, चितवनकै साइबाबा ग्यास उद्योगबाट श्रीकृष्ण र साइबाबा उद्योगका ५ हजार ३३७ तथा बाबा ग्यास उद्योगबाट श्री ग्यासका ८ हजार ७१६ सिलिन्डर भरेर काठमाडौं पठाइएको कालाखेतीले जानकारी दिए।
नवलपुरस्थित जानकी ग्यास उद्योगबाट श्रीराम र ओम उद्योगका २ हजार ६४२ तथा नवलपरासीस्थित चण्डेश्वरी ग्यास उद्योगबाट सागर उद्योगका १ हजार ६८५ सिलिन्डर पनि काठमाडौं पठाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
