काठमाडौं– काठमाडौं उपत्यकासहित देशका विभिन्न क्षेत्रमा ग्यास अभाव कायमै रहेपछि संसदीय समितिले सरकारसँग जवाफ माग्ने भएको छ।
प्रतिनिधिसभाको उद्योग तथा वाणिज्य र श्रम तथा उपभोक्ता हित समितिले बुधबार उद्योग, वाणिज्य तथा आपूर्तिमन्त्री गौरीकुमारी यादव र मन्त्रालयका सचिवलाई बैठकमाबोलाएको हो।
समितिको बैठक बिहान १० बजे सिंहदरबारस्थित समितिको हलमा बस्नेछ। बैठकमा मन्त्री यादव र मन्त्रालयका सचिवको उपस्थितिमा
ग्यास अभाव अन्त्य गर्न सरकारले किन प्रभावकारी कदम चाल्न नसकेको ? भन्ने विषयमा जवाफ माग्नेछ।
अहिले बजारमा ग्यास पाउन उपभोक्तालाई सकस छ। कतिले भने एक महिना पछिको कुपन लिएका छन्। लामो समय बितिसक्दा पनि आपूर्ति सहज हुन नसकेको समितिले चासो देखाएको हो।
समितिले यसअघि पनि मन्त्री र सचिवलाई बोलाएर ग्यास आपूर्ति समस्याबारे छलफल गरेको थियो। त्यस क्रममा अभाव हटाउन आवश्यक कदम चाल्न निर्देशन दिइएको थियो। तर, समस्या कायमै रहेपछि समितिले पुनः सरकारसँग जवाफ लिन लागेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788920147.webp)
-1786360041.jpg)
-1786875772.jpg)
.JPG)
-1786602170.png)
