-1787800966.jpg)
फाइल तस्बिर
काठमाडौं– मलेखु–काठमाडौं सडकखण्ड आइतबार साँझ ६ बजेसम्म बन्द हुने भएको छ।
धादिङको गजुरी गाउँपालिका–२ परेवाभिरस्थित पृथ्वी राजमार्गमा सडक मर्मत कार्य नसकिएपछि शनिबार बिहान ६ बजेदेखि आइतबार साँझ ६ बजेसम्म सवारी आवागमन पूर्ण रूपमा बन्द गरिएको हो।
जिल्ला प्रशासन कार्यालय धादिङले शनिबार साँझ सूचना जारी गर्दै अत्यावश्यक सवारीसाधनबाहेक सबै सवारीसाधनको आवागमन रोक लगाइएको जनाएको छ।
भदौ १० गते भोटेकोशीमा आएको बाढीका कारण परेवाभिरस्थित पृथ्वी राजमार्गमा क्षति पुगेपछि उक्त सडकखण्डमा एकतर्फी रूपमा यातायात सञ्चालन हुँदै आएको थियो। क्षतिग्रस्त सडकको आवश्यक मर्मतका लागि शनिबार बिहान ६ बजेदेखि बेलुका ६ बजेसम्म सवारी आवागमन बन्द गरिएको थियो।
तर, निर्धारित समयमा मर्मत कार्य सम्पन्न नभएपछि आइतबार पनि बिहान ६ बजेदेखि बेलुका ६ बजेसम्म सोही स्थान हुँदै सञ्चालन हुने सवारीसाधनमा रोक लगाइएको जिल्ला प्रशासन कार्यालय धादिङले जनाएको छ।
बन्द अवधिमा एम्बुलेन्स र शववाहनजस्ता अत्यावश्यक सवारीसाधनलाई भने आवागमनको अनुमति दिइनेछ। जिल्ला प्रशासन कार्यालयले यात्रु तथा सम्बन्धित सबै सरोकारवालालाई उक्त अवधिमा वैकल्पिक मार्ग प्रयोग गर्न अनुरोध गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787800966.jpg)
-1786602170.png)
-1786513116.png)
-1788425345.png)
