काठमाडौं– भोटेकोशी बाढीपछि सडक मार्ग अवरुद्ध हुँदा काठमाडौं उपत्यकामा एलपी ग्यासको ढुवानी लागत बढेपछि प्रतिसिलिन्डर १ सय ५ रुपैयाँ अतिरिक्त शुल्क लिन थालिएको छ।
एलपी ग्यास उद्योग संघले बिहीबार विज्ञप्ति जारी गर्दै काठमाडौंमा ग्यासको मूल्य प्रतिसिलिन्डर २ हजार १ सय ६५ रुपैयाँ पुगेको जनाएको छ। आयल निगमले ग्यासको मूल्य तोक्दै आएकोमा यसपटक निगमको मिलेमतोमा ग्यास उद्योग संघले तोकेपछि यसको सर्वत्र आलोचना सुरु भएको छ ।
नेपाल आयल निगमका प्रवक्ता मनोज ठाकुरका अनुसार निगमले निर्धारण गर्ने ग्यासको मूल्यमा उद्योगदेखि ५० किलोमिटरसम्मको ढुवानी खर्च समेटिएको हुन्छ। सोभन्दा बढी दूरीमा ढुवानी गर्दा लाग्ने अतिरिक्त खर्च उद्योगीले उपभोक्ताबाट लिन पाउने व्यवस्था भएअनुसार मूल्य बढेको बताए ।
कृष्णभीरमा पहिरो गएपछि नियमित सडक मार्ग प्रभावित भएकाले तराईका उद्योगमा ग्यास रिफिल गरी वैकल्पिक माध्यमबाट काठमाडौं ल्याउनुपरेको उद्योगीहरूको भनाइ छ। संघका निवर्तमान अध्यक्ष शिव घिमिरेका अनुसार यसरी ग्यास ढुवानी गर्दा प्रतिसिलिन्डर करिब १ सय ८० रुपैयाँ अतिरिक्त खर्च भइरहेको छ।
तर, उपभोक्तामाथि थप भार नपरोस् भनेर उद्योगीले १ सय ५ रुपैयाँ मात्रै अतिरिक्त शुल्क लिएको उनको दाबी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786875773.jpg)
-1786602170.png)
-1786513116.png)
-1788425345.png)
