काठमाडौं- वैदेशिक लगानीका नाममा व्यापारी अजेयराज सुमार्गीले विदेशबाट ल्याएको करीब सवा २ अर्ब रुपैयाँ रोक्ने नेपाल राष्ट्र बैंकको निर्णयको सक्कली फाइल पेस गर्न सर्वोच्च अदालतले चौथो पटक आदेश गरेको छ।
_x000D_
_x000D_
प्रधानन्यायाधीश ओमप्रकाश मिश्र र न्यायाधीश केदारप्रसाद चालिसेको संयुक्त इजलासले तत्कालीन समयमा नेपाल भित्रिन लागेको रकम झिक्न नदिई रोक्का राख्नू भनी नेपाल इन्भेष्टमेन्ट बैंकलाई राष्ट्र बैकले लेखेको पत्रसमेत पेस गर्न भनेको छ।
_x000D_
_x000D_
सर्वोच्चको संयुक्त इजलासले यसअघि पनि तीन पटकसम्म सर्वोच्चले यस्तै आदेश गरेको थियो।
_x000D_
_x000D_
२०७४ माघ २३ गते व्यापारी सुमार्गीले वैदेशिक लगानीका नाममा विदेशबाट ल्याएको करीब सवा २ अर्ब रुपैयाँ नरोक्न सर्वोच्चले अन्तरिम आदेश जारी गरेको थियो।
_x000D_
_x000D_
नेपाल स्याटेलाइट टेलिकम प्रालिका लागि भित्रिएको सो लगानी लामो समय राष्ट्र बैंकले रोक्का राखेको भन्दै २०७४ माघ २१ गते व्यापारी सुमार्गीले सर्वोच्चमा रिट निवेदन दायर गरेका थिए। यसपछि न्यायाधीश तेजबहादुर केसीको एकल इजलासले बाँकी रहेको रकम रोक्नुपर्ने कुनै स्पष्ट कानूनी आधार र कारण नदेखिएको भन्दै निवेदकको मागअनुसार तत्काल भुक्तानी गराउन आदेश जारी गरेपछि उनले रकम झिकेका थिए।
_x000D_
_x000D_
उक्त मुद्दामा पहिलो पटक २०७४ फागुन २ मा न्यायाधीशद्वय पुरुषोत्तम भण्डारी र बमकुमार श्रेष्ठको इजलासले सक्कल फाइल मगाएको थियो। त्यसलगत्तै फागुन ८ र १३ गते पनि सर्वोच्चले यस्तै आदेश गरेको थियो।
_x000D_
_x000D_
बिहिबार पुनः प्रधानन्यायाधीश ओमप्रकाश मिश्र र न्यायाधीश केदारप्रसाद चालिसेको इजलासले सोही फाइल मगाउन आदेश गरेको हो।
_x000D_
_x000D_
बिना कारण पैसा रोक्दा कम्पनीलाई क्षति परिरहेको देखिन आएकाले सम्पति शुद्धीकरण अनुसन्धान विभाग र राज्यका निकायबाट अनुसन्धान भैरहेको भए त्यसमा बाधा अड्चन नआउने गरी खुल्ला गर्न सर्वोच्चले अादेश दिएको थियो। सम्पत्ति शुद्धीकरणमा अनुसन्धान हुने भन्दै सर्वोच्चले सो रकमबाट हुने लाभ विदेश लैजान भने रोक लगाउने आदेश गरेको थियो। उक्त मुद्दामा नौ महिनापछि सर्वोच्चको संयुक्त इजलासले फेरी सोही प्रकृतिको आदेश गरेको हो।
_x000D_
_x000D_
सुमार्गीको उक्त कम्पनीका नाममा नेपाल इन्भेष्टमेन्टमा विदेशबाट आएको सवा २ अर्ब रुपैयाँ राष्ट्रबैँकले रोक्का गरेको थियो। राष्ट्र बैंकका पूर्व गभर्नर यूवराज खतिवडाले उक्त रकम रोक्का गरिदिएका थिए।
_x000D_
_x000D_
यसअघि सुमार्गीले आफ्नो नाममा त्यसैगरी विदेशबाट आएको ८ अर्ब रुपैयाँ निकासा भइसकेको छ। इन्भेष्टमेन्ट बैँकमा आफ्नो पैसा रोकिएपछि कम्पनीले ऋण र क्षति ब्यहोर्नुपरेको भन्दै सुमार्गीको कम्पनी नेपाल स्याटेलाइटले आइतबार सर्वोच्चमा रिट दायर गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
