फाइल तस्बिर
काठमाडौं– धादिङको कृष्णभीरमा सडक भासिएपछि काठमाडौं–मुग्लिन सडकखण्ड पूर्णरूपमा अवरुद्ध भएको छ।
बागमती प्रदेश ट्राफिक प्रहरी प्रमुख डिल्ली नारायण पाण्डेका अनुसार भोटेकोशी हुँदै आएको बाढीको कटानबाट कृष्णभीरमा सडक भासिएपछि दुवैतर्फको यातायात आवागमन पूर्णरूपमा रोकिएको हो।
सडक अवरुद्ध भएपछि मुग्लिनतर्फ तथा काठमाडौं आउने–जाने सवारीसाधन प्रभावित भएका छन्। आइतबार बिहान भोटेकोशी नदीमा बाढीको बहाव बढेको सूचना जारी भएसँगै काठमाडौं–मुग्लिन सडकखण्ड करिब एक घण्टा बन्द गरिएको थियो।
बाढी पूर्वानुमान महाशाखाका अनुसार धादिङको गल्छीस्थित बाढीमापन केन्द्रमा त्रिशूली नदीको जलसतह करिब ३ मिटरले बढेको थियो। यद्यपि, जलसतह घटेपछि उक्त खडकखण्ड पूर्णरूपमा सञ्चालनमा आएको थियो। तर, त्यसको केहीबेर पछि सडक पूर्णरूपमा अवरुद्ध भएको हो।
अहिले सडक खुलाउने प्रयास भइरहेको जनाइएको छ। यात्रु तथा सवारी चालकलाई अवस्था सामान्य नभएसम्म वैकल्पिक मार्ग प्रयोग गर्न वा यात्रा गर्नुअघि सडकको अवस्थाबारे जानकारी लिन पाण्डेले आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821303.jpg)
-1786602170.png)
-1786513116.png)
