काठमाडौं– गण्डकी प्रदेश सरकारले बाढी प्रभावित नागरिकको उद्धार, खोजी तथा राहतका लागि प्रधानमन्त्री दैवी प्रकोप उद्धार तथा राहत कोषमा ४ करोड रुपैयाँ प्रदान गर्ने निर्णय गरेको छ।
मुख्यमन्त्री सुरेन्द्रराज पाण्डेद्वारा जारी विज्ञप्तिअनुसार रसुवा, नुवाकोट, धादिङ, गोरखा, चितवन, नवलपुरलगायतका क्षेत्रमा बाढीबाट प्रभावित नागरिकको उद्धार तथा राहतका लागि उक्त रकम प्रदान गर्न लागिएको हो।
रसुवामा आएको बाढीका कारण गण्डकी प्रदेशका विभिन्न जिल्लाका साथै स्वदेश तथा विदेशबाट धार्मिक तथा अन्य यात्राका लागि रसुवा र नुवाकोट पुगेका नागरिकसमेत प्रभावित भएको प्रदेश सरकारले जनाएको छ। केही नागरिक परिवार तथा आफन्तको सम्पर्कमा नरहेको जानकारी प्राप्त भएकाले उनीहरूको अवस्थाबारे थप चिन्ता बढेको विज्ञप्तिमा उल्लेख छ।
विशेषगरी धार्मिक यात्राका क्रममा रसुवा पुगेका सम्पर्कविहीन नागरिकको खोजी तथा भेटिएका शवको उचित व्यवस्थापनका लागि सम्बन्धित निकायसँग समन्वय भइरहेको प्रदेश सरकारले जनाएको छ।
मुख्यमन्त्री पाण्डेले विपद्को यस घडीमा सम्पर्कविहीनको खोजी, जोखिममा रहेकाको उद्धार, घाइतेको उपचार तथा प्रभावितलाई सुरक्षित आश्रय, खाना र आवश्यक राहतको व्यवस्था गर्न सबै सम्बन्धित निकायलाई प्रभावकारी रूपमा परिचालित हुन आग्रह गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1787755122.jpg)
-1787910498.jpg)
-1786602170.png)
-1786513116.png)
