काठमाडौं– बलिउड अभिनेता सोनु सूदले नेपालमा आएको विनाशकारी बाढीप्रति दुःख व्यक्त गर्दै नेपाली जनताको साथमा रहेको बताएका छन् ।
नेपालमा बाढीका कारण ठूलो जनधनको क्षति भएपछि अभिनेता सूदले सामाजिक सञ्जालमार्फत नेपाललाई सहयोग गर्ने प्रतिबद्धता जनाएका हुन् ।
उनले लेखेका छन्, ‘नेपाल, तिमी एक्लो छैनौ । हामी खाना, आश्रय र पुनर्निर्माणमा सहयोग गर्ने शक्ति लिएर आउँदैछौँ ।’
सूदले विपद्को यस कठिन समयमा नेपाली जनतालाई आवश्यक सहयोग उपलब्ध गराउने संकेत गरेका छन् । उनको उक्त अभिव्यक्तिले बाढी प्रभावित नेपालप्रति ऐक्यबद्धता र मानवीय सहयोगको प्रतिबद्धता झल्काएको छ ।
नेपालमा आएको बाढीबाट रसुवा, नुवाकोट, धादिङ, गोरखालगायत जिल्लाका नदी तटीय क्षेत्रमा ठूलो क्षति पुगेको छ । प्रभावित क्षेत्रमा उद्धार, राहत तथा पुनःस्थापनाको काम जारी छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821304.jpg)
-1786602170.png)
